காதல் திருமண ஜாதக பொருத்தம்

5ஆம் பாவம் காதல், 7ஆம் பாவம் களத்திரம் மற்றும் 11 ஆம் பாவம் வெற்றியை குறிக்கும். இந்த அமைப்பு உள்ள ஜாதகரின் காதல் வெற்றியில் முடிய வாய்ப்பு அதிகம். மேற்கூறிய பதிவில் 2ஆம் பாவத்தையும் சேர்த்துள்ளோம் ஏனெனில் 2ஆம் இடம் குடும்பத்தையும், வருமானத்தையும் குறிக்கும்.

இதே 5ஆம் பாவம் மற்றும் 7ஆம் பாவம் தொடர்பு மட்டும் இருந்தால் காதல் உருவாகும் அனால் திருமணத்தில் முடிய வாய்ப்புகள் குறைவு.

உதாரணமாக மேஷ லக்னதிற்கு 5ஆம் பாவம் சிம்மம் அதற்கு அதிபதி சூரியன் ஆவார் அதே போல 7ஆம் பாவம் துலாம் அதற்கு அதிபதி சுக்கிரன், இப்பொழுது சூரியன் துலாமில் இருக்க காதல் உண்டு அல்லது சுக்கிரன் சிம்மத்தில் இருந்தாலும் காதல் உண்டு.

மேற்கூறிய எடுத்துக்காட்டில் சூரியன் துலாம் ராசியில் இருக்க விசாகம் நட்சத்திர சாரம் வாங்கியுள்ளது என வைத்துக்கொள்வோம். விசாக நட்சத்திரத்தின் அதிபதி குரு ஆவார். அவர் மேஷ லக்கினத்திற்கு 11ஆம் வீட்டில் இருந்தால் காதல் வெற்றி பெற்று திருமணத்தில் முடியும். ஏனென்றால் இங்கு 5,7,11ஆம் பாவங்கள் ஒன்றுக்கொன்று தொடர்பு பெற்றுள்ளன.

இவ்வாறு ஒருவர் ஜாதகத்தில் 5,7,11ஆம் பாவம் ஏதாவது ஒரு வகையில் தொடர்பு பெற்றிருந்தால் காதல் திருமணம் நடைபெறும். (தொடர்பு, நட்சத்திர தொடர்பு, சாரநாதன் தொடர்பு)

காதல் திருமண ஜாதக பொருத்தம் – Love Marriage Jathaka Porutham

காதல் திருமணம் செய்கிறார்கள் எனில் பொருத்தம் பார்க்கும்பொழுது இருவரின் ஜாதத்தையும் பாவக ஆய்வு மேற்கொள்ள வேண்டும். அதில் முக்கியமாக 5ஆம் பாவக ஆய்வு மற்றும் 2, 11ஆம் பாவக ஆய்வு முக்கியம்.

ஏனெனில் 5ஆம் பாவகம் குழந்தையை குறிக்கும் ஒருவருக்கு பலமிழந்து ஒருவருக்கு பலமாக இருந்தால் கூட திருமணம் செய்யலாம். இருவருக்கும் பலமாக இருந்தால் நல்லது. இருவருக்கும் பலமிழந்து இருந்தால் கடினம்.

மற்றும் 2,11ஆம் பாவகங்களும் கூட இருவரில் ஒருவருக்காவது நன்றாக இருக்க வேண்டும். இந்த இரண்டு பாவகங்களும் வருமானம் மற்றும் லாபத்தை குறிக்கும். திருமணம் பின்பு குடும்பத்தை நடத்த பொருளாதார பிரச்சனைகள் இல்லாமல் இருப்பதற்காக கூறுகிறேன்.