ராசி சின்னங்கள் - ராசி அடையாளம்

Rasi Symbols – ராசி சின்னங்கள் மற்றும் பலன்கள் (12 ராசிகளும் உருவங்களும்) – இந்த பதிவில் 12 ராசிகளின் சின்னங்கள்(விலங்குகள்உருவங்கள்/ராசி அடையாளம்) மற்றும் அதனை வைத்து பொதுவான பலன்கள் எப்படி எடுக்க வேண்டும் என்று தெரிந்துகொள்வோம்.

மேஷம் – ஆடு

ஆடு அசைபோடுவது போல எப்போதும் ஏதாவது சிந்தனையுடன் இருப்பார்கள். அவசரமாக யோசித்துவிட்டு பின்பு அந்த முடிவுக்காக வருத்தப்படுவார்கள்.

ரிஷபம் – எருது

ரிஷப ராசியில் பிறந்தவர்களுக்கு பாசம் அதிகம், சுவையான உணவு உன்ன ஆசை படுவார்கள். அதேபோல மோகமும் அதிகமாக இருக்கும்.

மிதுனம் – இரட்டையர் வீணையுடன் கூடிய பெண் மற்றும் கதையுடன் கூடிய ஆண்

எப்பொழுதும் இரட்டைத்தன்மையுடன் இருப்பார்கள், கலப்பானவர்கள், அதிகம் பேசுவது பிடிக்கும்

கடகம் – நண்டு

தாய்ப்பாசம் அதிகம் உள்ளவர்கள். குடும்பத்தை பற்றிய சிந்தனையுடன் இருப்பார்கள். ருசியாக சமைத்து சாப்பிட நினைப்பார்கள்.

சிம்மம் – சிங்கம்

பெயர் புகழுக்காக அதிகம் உழைப்பார்கள். யாராவது இவரை புகழ்ந்தால் போதும் கொடை வள்ளலாக மாறிவிடுவார்கள். குடும்பத்திலோ நட்பு வட்டாரத்திலோ இவர்களை முன்னிறுத்தியே செயல்பாடுகள் நடைபெறும். தலைமைப்பண்பு குணம் உடையவர்கள்.

கன்னி – கதிர் குலை மற்றும் அக்னியும் கொண்ட பெண்

இவர்கள் நகைச்சுவையாக பேசும் பழக்கம் உடையவர்கள். ரகசியத்தை மறைக்க தெரியாதவர்கள். கேளிக்கைகளில் அதிக ஈடுபாடு உடையவர்கள். தன்னை இளமையாக காட்டிக்கொள்வார்கள்

துலாம் – தராசு கொண்ட ஆண்

நீதிமான்கள், எப்பொழுதும் யாராக இருப்பினும் நியாயமாக பேசும் பண்பு கொண்டவர்கள். அதனாலேயே பகையை சம்பாதித்து கொள்வார்கள். சில சமயங்களில் இவருடைய விளக்கங்கள் தவறாகி அவமானப்படும்படி ஏற்படும். சாமர்த்தியசாலிகள்

விருச்சிகம் – கருந்தேள்

சுறுசுறுப்பானவர், நல்ல மனிதர்கள், பாசம் அதிகம் கொண்டவர்கள். தாயினால் ஆதாயம் உண்டு. அடுத்தவர்களுக்கு உதவி செய்யும் மனம் படைத்தவர்கள். நன்றாக பேசி உரையாடினாலும் தேள் போல சில நேரங்களில் மனதை கஷ்டப்படுத்தும் வார்த்தைகளை பேசிவிடுவார்கள்.

தனுசு – இடுப்புக்கு கீழ் குதிரையும், இடுப்புக்கு மேல் வில் பிடித்த மனிதன்

திறமைசாலிகள, தானதர்ம சிந்தனை கொண்டவர்கள், எந்த செயலிலும் குறிக்கோளுடன் செயல்படுவார்கள்.

மகரம் – சுறா மீன்/முதலை

பொதுவாக சோம்பேரியாக காணப்பட்டாலும் தன் தேவைக்கு என வரும்போது மிகவும் வேகமாக செயல்படுவார்கள். அதாவது முதலை எப்படி தன இரையை பிடிக்கும்போது துரிதமாக செயல்படுகிறதோ அதேபோன்று.

கும்பம் – குடம் (குடத்துடன் கூடிய ஆண்)

ரகசிய காப்பான்கள். ரகசியத்தை வெளிய சொல்லமாட்டார்கள். அடுத்தவர்களை பற்றியும் குறைகூறும் எண்ணமும் இருக்காது. இவர்களுக்கு எப்பொழுதும் சேமிக்கும் குணம் உண்டு. யாருக்கும் தெரியாமல் மறைமுகமாக ஒரு சேமிப்பை வைத்திருப்பார்கள்.

மீனம் – இரட்டை மீன்

மிகவும் தெளிவானவர்கள், எப்போதும் உற்சாகத்துடன் காணப்படுவார்கள். நல்ல குணம் கொண்டவர்கள். குடும்பத்திற்கு முக்கியத்துவம் தருவார்கள். ஆடம்பரப்பிரியர்கள். ஒரு பொருள் வாங்கினாலும் பலமுறை விசாரித்து விலை உயர்ந்தவை மேலே வாங்க விருப்பம் கொள்வார்கள்.

தெரிந்துகொள்க

பகை நீங்கி செல்வவளம் பெறுக தினமும் கேட்க வேண்டிய பாடல்கள் - ஆஞ்சநேய சகஸ்ர நாம ஸ்தோத்திரம் | முருகப்பெருமான் வேல் விருத்தம்