சமையலறை அமைக்க வாஸ்து குறிப்புகள்

சமையலறை வாஸ்து குறிப்புகள் – கிச்சன் வாஸ்து (Kitchen Room Vastu in Tamil) – நாம் அன்றாடம் பயன்படுத்தும் கிச்சன், வாஸ்து சாஸ்திரபடி எப்படி அமைக்க வேண்டும் என்று இந்த பதிவில் தெரிந்துகொள்வோம்.

நாம் உயிர் வாழ உண்ணும் உணவிலிருந்து அதிகப்படியான ஆற்றல் பெறப்படுகிறது. அவ்வாறு உண்ணும் உணவை உற்பத்தி செய்யும் இடம் சமையலறை வீட்டில் சரியான பகுதியில் அமைத்தல் சிறந்தது.

தென்கிழக்கு பகுதியே அக்னி என்பதால் சமயலறை அமைக்க மிகவும் ஏற்ற இடமாகும். சகல சம்பத்தும் விருத்தியாகும்.

தென்கிழக்கு திசையில் சமையலறை அமைக்க முடியாதவர்கள் வடமேற்கு திசையில் சமையலறை அமைப்பது சிறப்பை தரும். பொன், பொருள் சேர்க்கை, தனலாபம் உண்டாகும்.

சமையலறை அமைக்க வாஸ்து

ஈசானியம் திசை நீர் சம்பந்தப்பட்ட திசை என்பதால் நெருப்பு சம்பந்தமான சமையலறையை அங்கே அமைக்க கூடாது. ஈசானிய பகுதியில் சமையலறை அமைத்தால் பொருளாதார சீர்குலைவு அல்லது பாதிப்பு உண்டாகும்.

தென்மேற்கு பகுதி பெண்களின் சந்தோஷத்தையும் உடல்நலத்தையும் கெடுக்கும் என்பதால் தென்மேற்கு திசையில் அமைக்க கூடாது. மேலும் தென்மேற்கு பகுதியில் சமையலறை அமைத்தால் மருத்துவச் செலவுகள் உண்டாகும்.