Skip to content

துலாம் ராசி பொது பலன்கள்(Libra in Tamil) – துலாம் ராசி காரர்கள் சாதாரண உயரம், அடர்த்தியான புருவம், அகன்ற கண்கள், தீர்க்கமான பார்வை, பிரகாசமான கண்கள், சற்று தட்டையான மூக்கு, நீண்ட காதுகள், அகலமான உதடுகள் மற்றும் வட்டமான கால்களை பெற்றிருப்பார்கள். அகன்ற முகம் மற்றும் ஏறு நெற்றியில், பெரிய கண்கள், நல்ல புருவங்கள், அகன்ற தோள்கள் பெற்றிருப்பர்.

Libra Zodiac Sign in Tamil – துலாம் ராசி பொது பலன்கள்

துலாம் ராசி நட்சத்திரங்கள் – சித்திரை 3, 4 ஆம் பாதம், சுவாதி, விசாகம் 1, 2, 3 ஆம் பாதம் வரை
துலாம் ராசி அதிர்ஷ்ட தேதிகள் – செப்டம்பர் 23-அக்டோபர் 23
உறுப்பு – காற்று ராசி
தரம் – சர ராசி
துலாம் ராசி அதிர்ஷ்ட நிறம் – இளஞ்சிவப்பு, வெள்ளை, பச்சை
அதிர்ஷ்ட நாள் – வெள்ளிக் கிழமை
அதிபதி – சுக்கிரன்

துலாம் ராசி பண்புகள் – Thula Rasi in Tamil

துலாம் ராசியில் பிறந்தவர்கள் தங்களை அழகுபடுத்துவதில் அதிக ஆர்வம் காட்டுகிறார்கள். அனைத்து வகையான உடைகள் மற்றும் நகைகளை அணிய விரும்பும் மக்கள். அவர்கள் உயர்ந்தவர்கள் அல்லது தாழ்ந்தவர்கள் என்பதைப் பொருட்படுத்தாமல் அனைவரிடமும் சமமாக பழகுவார்கள்.

Libra in Tamil
Libra in Tamil

நீதி மற்றும் நேர்மைக்கு அதிக முக்கியத்துவம் அளிக்கப்படும். மற்றவர்களை யூகிப்பதில் வல்லவர்கள். எந்தவொரு கடினமான சூழ்நிலையிலும் அவர்கள் மகிழ்ச்சியாக இருக்க விரும்புகிறார்கள். அவர்கள் எந்த செயலிலும் முழு விஷயத்தையும் ஆராய்ந்து ஒரு முடிவுக்கு வருவார்கள்.

துலாம் ராசி மக்கள் எந்தவொரு காரியத்தையும் அமைதியாகவும் நிதானமாகவும் செய்வார்கள். அவர்கள் ஒருபோதும் தோல்விகளால் சோர்வடைய மாட்டார்கள்.

துலாம் ராசிகாரர்கள் யாரையும் சார்ந்து இருப்பது பிடிக்காது. அவர்களுக்கு வைராக்கியம் அதிகம். அவர்கள் கண்ணியத்திற்கு அதிக முக்கியத்துவம் கொடுப்பார்கள். நிறைய குடும்பப் பொறுப்புகளைக் கொண்டவர்கள், இரக்கமுள்ளவர்கள், பொதுச் சேவைகளைச் செய்வதில் தன்னை ஈடுபடுத்திக் கொள்வார்கள்.

துலாம் ராசி குணங்கள்

துலாம் ராசி காரர்களுடன் பேசி வெற்றி கொள்ள முடியாத காரியம். பொதுவாக பயணம் செய்வது அவர்களுக்கு பிடித்த செயல்களில் ஒன்றாகும். இவர்கள் தங்கள் சொந்த முயற்சியில் முன்னேற விரும்புவார்கள்.

இவர்கள் யதார்த்தமான வாழ்க்கையை வாழ்வார்கள், சாதாரண வாழ்க்கை வாழ விருப்பம் கொண்டவர்கள். அவர்கள் விட்டுக்கொடுத்து வாழும் தன்மை கொண்டவர்கள்.

அவர்கள் எதையும் ஆராய்ந்து கற்றுக்கொள்வார்கள். கற்பனைத் திறன் அதிகம், அனைவரையும் நேசிப்பார்கள். எப்பொழுதும் நேர்மையாக இருக்க விரும்புகிறார்கள். அவர்கள் கடின உழைப்பாளிகள், மற்றவர்களுக்கு தேவையான உதவியை செய்வார்கள்.

திருமண வாழ்க்கை

திருமண வாழ்க்கை திருமணத்திற்குப் பிறகு செழிப்பு நிறைந்ததாக இருக்கும். அவர்களின் வாழ்க்கை துணை இவரை நன்கு அறிந்தவராகவும், அமைதியாகவும் இருப்பார். ஒருவருக்கொருவர் கைவிட மாட்டார்கள்.

வாழ்க்கை துணை குடும்ப தேவைகளை முன்கூட்டியே அறிந்தி அதற்கேற்றவாறு நடந்து கொள்வார்கள். எத்தனை பிரச்சினைகளை சந்தித்தாலும் சரியான நேரத்தில் உணவு உண்பதில் எண்ணம் கொண்டவர்கள். வாழ்க்கைத்துணையும் இவர்களும் ஒருவருக்கொருவர் விட்டுக்கொடுத்து வாழ்வார்கள்.

துலாம் ராசி காரர்கள் திருமண வாழ்க்கையில் கருத்து வேறுபாடு இல்லாமல் நடந்து கொள்வார்கள்.

பொருளாதார நிலை

துலாம் ராசியில் பிறந்தவர்களுக்கு, பணப்புழக்கம் சீரற்றதாக இருக்கும். பணம் கையில் வருவதற்கு முன்பு செலவுகள் கதவைத் தட்டும். இருப்பினும் நல்ல தசா காலங்களில் வருமானம் அதிகரிக்கும் சேமிப்பு பல மடங்கு அதிகமாகும்.

குடும்ப பொறுப்புகள் மிக அதிகம் என்பதால் சேமிப்பு குறையும். இருப்பினும், அவர்களின் தேவைகளுக்கு ஏற்ப பணம் சேர்த்துவிடுவார்கள்.

எளிமையான குடும்ப சூழலில் பிறந்திருந்தாலும், சிறு வயதிலேயே அவர்கள் பல சிரமங்களை எதிர்கொண்டாலும், பின்னர் அவர்கள் தமக்கும் தங்கள் குடும்பத்துக்கும் ஒரு வீடு, பிளாட் அல்லது காரை வாங்குவார்கள்.

நடுத்தர வயது வரை அவர்களின் வாழ்க்கை ஒரு போராட்டமாக இருக்கும். தேவையற்ற செலவுகளைக் குறைப்பது நல்லது. நல்ல சிந்தனை உள்ளவர்கள், பொது நல சேவைகளுக்கு நிறைய செலவு செய்வார்கள்.

தெய்வீக யாத்திரை மேற்கொள்வதற்கான வாய்ப்புகள் அமையும். அடிக்கடி செல்வதால் பயணச் செலவுகளும் அதிகமாக இருக்கும். அவர்கள் கிடைக்கும் நல்ல வருமானத்தை வாரிசுகளுக்கு சேமிக்கவும் தவற மாட்டார்கள்.

குழந்தைகள் – Child Yoga of Libra in Tamil

துலாம் ராசியில் பிறந்தவர்கள் குழந்தையை சற்று தாமதமாகப் பெறுவார்கள். அப்படியிருந்தும், பெரும்பாலோருக்கு பெண் குழந்தைகள் தான் பிறக்கும். அவர்கள் குழந்தைகள் காரணமாக மருத்துவ செலவுகள் மற்றும் கடன்களைச் சந்திக்க நேரிடும். பின்னர் அனைத்து பிரச்சினைகளும் சரி செய்துவிடுவார்கள்.

வேலை – Thula Rasi in Tamil

துலாம் ராசியில் பிறந்தவர்கள் அரசியல் அல்லது அரசு தொடர்பான வேலைகளில் ஈடுபடுவதற்கான வாய்ப்புகள் அதிகம். அவர்கள் விரைவில் காவல்துறை, ராணுவம், ஆசிரியர்கள், கலை, நடிப்பு, ஊடகங்கள் மற்றும் ஹோட்டல் துறையின் பதவிகளில் உயர்த்தப்படுவார்கள்.

லாப நஷ்டக் கணக்கைப் திட்டமிட்ட பின்னரே அவர்கள் எந்த வேலைக்கும் முயற்சி செய்வார்கள்.. கூட்டு முயற்சிகளில் ஈடுபடும்போது கூட்டாளர்களுடன் பயனற்ற சிக்கல்களை எதிர்கொள்கிறார்.

மற்றவர்களின் கை, கால்களைப் பிடித்து முன்னேற விரும்பமாட்டார்கள். தன் சொந்த முயற்சியில் முன்னேறும் நீங்கள் வணிகத்திற்காக கடன்களை வாங்க வேண்டியிருக்கும். நீங்கள் கடன் கேட்ட இடத்தில் உங்களுக்கு பணம் கொடுத்து உதவுவார்கள்.

பகை நீங்கி செல்வவளம் பெறுக தினமும் கேட்க வேண்டிய பாடல்கள் - ஆஞ்சநேய சகஸ்ர நாம ஸ்தோத்திரம் | முருகப்பெருமான் வேல் விருத்தம்