மாடி வீட்டு தோட்டம் – இன்றைய சூழலில் அனைவருக்கும் மாடி தோட்டம் அமைப்பது குறித்து ஆவல் எழுந்துள்ளது. ஒவ்வொருவரும் கீரை தோட்டம், மூலிகை தோட்டம், காய்கறி தோட்டம், பூக்கள் தோட்டம் இன்னும் பலவற்றை மாடியில் பயிரிடுவும், சத்தான உணவை சாப்பிட்டு ஆரோக்கியமாக வாழவும் விரும்புகிறார்கள். அதற்காக பல்வேறு இடங்களில் ஆலோசனையும் நடத்தி முயற்சியும் மேற்கொள்கிறார்கள், இதனை எவ்வாறு எளிதாக அமைக்கலாம் என்று இக்கட்டுரையில் காண்போம்.

மாடி வீட்டு தோட்டம் அமைக்க தேவையானவை

மாடி தோட்டம் அமைக்க முதலில் தேவையானவை மண்தொட்டி அல்லது சிமெண்ட் தொட்டி, பிளாஸ்டிக் சாக்கு, பிளாஸ்டிக் குப்பை பாக்ஸ், பிளாஸ்டிக் தண்ணீர் பாட்டில் செடி வைப்பதற்கேற்ப வெட்டி கொள்ள வேண்டும். செம்மண், மணல், தண்ணீர், விதை அல்லது வேருடன் கூடிய செடி.

இவைகள் இருந்தாலும் சூரியஒளி இன்றியமையாத ஒன்றாகும், ஆதலால் சூரிய ஒளி படும்படி அமைக்க வேண்டும், அதிலும் வெற்றிலை போன்ற கொடிகள் சூரிய ஒளி நேரிடையாக படுதலை தவிர்க்க வேண்டும், சூரிய நிழலிலே தான் இக்கொடி வளரும்.

செடிகள் வளர்க்க செம்மண் சிறந்தது, செம்மண்ணில் இரும்பு ஆக்ஸைடு உள்ளது. பொதுவாக செம்மண் எல்லா இடத்திலும் கிடைக்காது, ஆதலால் இதனுடன் மணல் சேர்த்து குழைத்து கொள்ளலாம். அல்லது இடிந்த வீட்டிலோ, காலி இடங்களில் குழி தோண்டும்பொழுது கிடைக்கும் மண், ஊரை விட்டு எப்போதாவது சுற்றுப்புறம் செல்லும் பொழுது எடுத்துக் கொண்டாலும் நல்லது.

முதன்மையாக கொண்டு வந்த மணலில் கலந்துள்ள தூசு குப்பைகளை நீக்க வேண்டும். மாட்டுச்சாணம் சிறந்த இயற்கை உரம் முடிந்தால் அதனை மண்ணுடன் கலந்து குழப்பிக் கொள்ளவும். குழப்பிய மண்ணை தொட்டியிலும் பிளாஸ்டிக் சாக்கு பை, பிளாஸ்டிக் பாட்டில் களிலும் படத்தில் கட்டியுள்ளதை போல் நிரப்பி வைத்து வேண்டும்.

இயற்கை உரங்கள்

பெரும்பாலும் காய்கறிகள், பழங்கள் ஆகியவற்றின் உள்ளிருக்கும் கொட்டைகளை (விதைகளை) பயன்படுத்திக் கொள்ளலாம். புதினா, கொத்தமல்லி, கீரை வகைகள் அதனை வேருடன் நட்டு வைத்தாலே போதும், சில மூலிகை செடிகளும் இதே போல தான்.

இதற்கு உரங்களாக நாம் வீட்டில் அன்றாடம் பயன்படுத்தும் வடித்த கஞ்சி, காய்கறி தோள்கள், பழத்தோல்கள், வெங்காயம் மற்றும் பூண்டு தோள்களை பயன்படுத்திக் கொள்ளலாம். மேலும், வெப்பம் கொட்டை அதன் இலைகளை பயன்படுத்தலாம், இது சிறந்த பூச்சி கொல்லியாகவும் செயல்படும். இனி இனிதே மாடி வீட்டு தோட்டம் அமைக்கலாம்.

More – Business ideas in Tamil

Video – Learn Basic Astrology in Tamil

The post மாடி வீட்டு தோட்டம் appeared first on தமிழ் களஞ்சியம்.

விவசாயத்தில் சர்வதேச புழுகு

உலகம் முழுதும் நெல் உற்பத்தியை பெருக்குவதன் முயற்சியாக சர்வதேச நெல் ஆராய்ச்சி நிறுவனம் மணிலாவில் உருவாக்கினார்கள். IRRI என்பது அதன் பெயர். நிறைய படங்களோடு புத்தகம் வெளியிட்டனர். தமிழிலும் இந்த புத்தகம் வெளிவந்தது. அதில் ஒரு பெரிய உண்மை மறைக்கப்பட்டிருந்தது.

உண்மை மறைக்கப்பட்டது

செடிக்கு 13 வகையான சத்துக்கள் தேவை. இவற்றில் உயிர்க்காற்று, நீர்க்காற்று, கரிக்கற்று, காற்றிலிருந்து கிடைக்கின்றன, ஆனால் நைட்ரஜன் நாம்தான் தரவேண்டியுள்ளது என்று. இதில் உண்மையில் அப்படியில்லை.
நைட்ரஜனும் காற்றிலிருந்தே கிடைக்கிறது.

சுற்றுசூழலில் 78% நைட்ரஜன் 21% உயிர்க்காற்று மீதி 1% மற்றவை. இந்த உண்மையை மறைத்து உப்பு விற்பனைக்காக புத்தகம் போடுகிறார்கள். இங்கே விஞ்ஞானிகள் என்பவர்கள் உர வியாபாரிகளின் தரகர்கள் என்று.

வருடம் 1920க்கு முன்பு இந்த உப்புக்களை நாம் போடவில்லை. அப்போதும் பூமி விளைந்து கொண்டுதானே இருந்தது. அப்போது நைட்ரஜன் யார் கொடுத்தார்கள். பூமியில் நுண்ணுயிர்கள் நிறையவே இருக்கின்றன. இதை கிருமிகள் என்று சமஸ்கிருதத்தில் நமக்கு சொல்லி கொடுத்தார்கள். கிருமிகள் என்றாலே நோய்கள் என்று நம் நினைவுக்கும் வந்து விடுகிறது.

உண்மையை புரிந்துகொண்டு நாட்டுவளம் காப்போம் இயற்கை விவசாயம் பின்பற்றுவோம். நம்மாழ்வார்.

நன்றி! வாழ்க வளமுடன்! வாழ்க வையகம்!

மேலும் காண்க

Business Ideas in Tamil

Video: அம்மா பற்றிய வரிகள்

The post விவசாயத்தில் சர்வதேச புழுகு – நம்மாழ்வார் appeared first on தமிழ் களஞ்சியம்.

வாழ்வாதாரத்தை பாதித்த பசுமைப்புரட்சி

தீவிர சாகுபடி திட்டம்

பசுமை புரட்சிக்கு அக்காலத்தில் தீவிர சாகுபடி திட்டம் என்று பெயர். இந்தியாவில் ஏழு மாநிலங்களிலும் தலா ஒரு மாவட்டத்தை தேர்ந்தெடுத்து முன்னோடி திட்டத்தை செயல்படுத்தினர். இதன்மூலம் ஜப்பானின் குட்டை நெல் ரகங்களை அறிமுக படுத்தினார்கள். புதிய ரக உரங்களையும் அறிமுக படுத்தினார்கள். இந்தியா முழுதும் இத்திட்டத்தை செயல்படுத்த விரும்பினார்கள்.

ஐ ஆர் ரகங்கள்

இதன்மூலம் பெரிய அளவில் பிரச்சாரம் செய்யப்பட்ட ஐ ஆர் 8 நெல்லை மக்கள் வெறுத்து ஒதுக்கினார்கள். காரணம் ருசியில்ல்லை, பூச்சி தாக்குதல் அதிகம். அப்போது மணிலாவில் உள்ள IRRI நிறுவனத்திலிருந்து வந்த ஐ ஆர் 20, ஐ ஆர் 50 ரகங்களும் இன்று புல்லாக்கத்திலில்லை. 74 ரகங்களை உற்பத்தி செய்தாலும், ஒரு ரகம் கூட வெற்றி பெறவில்லை. இது அவர்களுக்கு பெருந்தோல்வி.

1965 கு பிறகு ரசாயன இடுபொருட்களை அதிகமாக பயன்படுத்தினோம். இதன் மூலம் நிலங்கள் உயிரியக்கமில்லாத பண்டம் ஆகிவிட்டது. மேலும் ஆலோசகர்கள் அறிவுரைப்படி இடுபொருட்களை உழவர்கள் வாங்கிப்போட வேண்டிய நிலையில் உழவர்களுக்கு கட்டுப்படியாவதில்லை. இந்த அடிப்படையில் நவீன உழவாண்மை என்பது உழவர்களுக்கு கட்டுபாடியவதில்லை.

பச்சை புரட்சி ஏமாற்றம்

பச்சை புரட்சியினால் பயனடைந்தவர்களுக்கு 100 கு 25 உழவர்கள்தான். பலன் எல்லோருக்கும் போய் சேரவில்லை என்றாலும், ஒட்டு விதைகளும் ரசாயனங்களும் எல்லோரையும் தொட்டுவிட்டன. பாரம்பரிய விதைகள் காணாமல் போகிவிட்டன. பசுமை புரட்சி நிலங்கள் அனைத்தையும் பாழ்படுத்தி விட்டது. பணக்கார உழவர்கள் ஆழ்குழாய் கிணறு போட்டு நிலத்தடி நீரை உறிஞ்சி எடுத்து விடுகிறார்கள். ஏழை உழவர்களுக்கு நீர் கிடைப்பதில்லை.

ரசாயன உரத்தின் உற்பத்தி விலை தொடர்ந்து அதிகரிக்கின்றது. அரசாங்கமும் உணவு உற்பத்திக்கு பதிலாக ஆலைகளுக்கு தேவையான மூலப் பொருள்களை உழவர்களை உற்பத்தி செய்ய வைத்தார்கள். இதனால் கிராமப்புறங்களில் உற்பத்தி செய்பவனுக்கு உணவில்லை. தொழிற்நுட்ப ரீதியாகவும், பொருளாதார ரீதியாகவும் உழவாண்மை தாக்குபிடித்தது. இந்த உண்மையை மறைத்து பச்சை புரட்சி வெற்றிகரமானது என அரசியல்வாதிகள் மார்தட்டுகிறார்கள். பச்சை புரட்சியால் உர கம்பெனிகள் லாபமடைந்தன. இயந்திரங்கள் மற்றும் கருவிகள் உற்பத்தி செய்யும் நிறுவனங்கள் தான் லாபமடைகின்றன. இவ்வாறு மானியங்கள் கொடுத்ததன் மூலம் அரசு, நிலத்தையும் நாசப்படுத்தி உழவர்களையும் நொண்டிகளாக்கி விட்டது.

தொழிற்சாலை பயன்பாடு

சர்க்கரை தொழிற்சாலைகளுக்காக கரும்பு விளைவிப்பதில் உழவர்கள் ஈடுபடுகிறார்கள். இதைப்போல இன்னும் பல மூலப்பொருட்களை உலக சந்தைக்காக உற்பத்தி செய்கிறார்கள். ஏற்றுமதிக்காக உற்பத்தி என்ற நிலைமையை அரசியவாதிகள் ஊக்குவிக்கிறார்கள். இவ்வாறு அரசாங்கம் வளமான நிலங்களை பச்சை புரட்சிக்கு தயாராக்குவதன் மூலம் நாசமாக்கி விடுகிறது. மக்களின் கலாச்சாரத்தை அழிப்பதன் மூலம் அரசு தான் வெற்றி பெற்றதாக அறிவிக்கிறது. கரும்பை விற்று உழவன் உணவை வாங்குகிறான். அவன் கையில் ஏதும் எஞ்சியிருப்பதில்லை.

கரும்பு, தேயிலை, காபி, புகையிலை ஆகியவற்றின் சாகுபடி காரணமாக இன்று நிலங்களும், நீர்நிலைகளும் மாசுபடுகின்றன. சாயப்பட்டறைகள், தோல்பதனிடும் தொழிற்சாலைகள் கடைசியாக இரால் பண்ணைகள் ஆகியவற்றின் மூலம் நீர்நிலைகள் மாசுபடுவதோடு, ஏகபத்திய நாடுகளுக்கு நம் நாடும் அடிமையாகி விடுகிறது. இதை மாற்ற நாம் தீவிரமாக சிந்திக்க வேண்டும்.

நஞ்சு

நிலத்தையும், உயிரினங்களையும் அளிக்கும் நஞ்சுகளுக்கு அரசுகளும், முதலாளிகளும் மருந்து என்று பெயர் வைத்தார்கள். பூச்சி நஞ்சை மருந்து என்று சொல்வது பயங்கரமான பொய். போருக்காக பயன்படுத்திய நஞ்சை இப்பொழுது உழவுக்கு தள்ளியிருக்கிறார்.

பூச்சிகளை கொள்வதற்கான நஞ்சுகளில் குளிப்படிதான் உருளைக்கிழங்கு, முட்டைகோஸ் போன்ற அனைத்து காய்கறிகளும் நமக்கு வந்து சேருகின்றன. பழங்கள், தானியங்கள் கெடாமல் இருக்க நச்சு பொருட்களை பயன்படுத்துகிறார்கள். இது அனைத்தும் உழவர்கள் பிரச்சினை மட்டும் இல்லை நுகர்வோர்கள் பிரச்சினையும் தான். இனி ஒரு விதி செய்வோம்.

கோ நம்மாழ்வார்.

மேலும் காண்க

Business Ideas in Tamil

Video: அம்மா பற்றிய வரிகள்

நன்றி! வாழ்க வளமுடன்! வாழ்க வையகம்!

The post வாழ்வாதாரத்தை பாதித்த பசுமைப்புரட்சி appeared first on தமிழ் களஞ்சியம்.

மண்புழு உரம்

திடக்கழிவு மேலாண்மையில் முக்கிய பங்கு வகிக்கிறது. இயற்கையில் கிடைக்கும் விவசாயக் கழிவுப் பொருள்களான சாணம், இலை, தழை போன்றவற்றை உள்கொண்டு எச்சங்களை சிறுசிறு உருண்டைகளாக மண்புழுக்கள் வெளியேற்றுவதையே மண்புழு உரம் என்கிறோம். இதில் தழைச்சத்து, மணிச்சத்து, சாம்பல்சத்து ஆகிய அத்தனையும் இருக்கிறது. 45 முதல் 60 நாளில் மண்புழு உரம் உற்பத்தியாகிவிடும்.

உற்பத்தி செய்யும் முறை

உரம் தயாரிக்க அமைக்கப்படும் தொட்டி, அகலம் ஒரு மீட்டருக்கு மிகாமல் இருக்க வேண்டும். இடவசதிக்கு ஏற்ப நீளம் இருக்கலாம். அரை அடி ஆழத்திற்கு குழி வெட்டி, சுற்றுச்சுவர் அமைக்க வேண்டும். முதலில் தொட்டியின் அடியில் செங்கல் அல்லது கூழாங்கற்களை பரப்பி அதற்கு மேல் மணலை பரப்பி பின்னர் பண்ணைக் கழிவுகளை நிரப்ப வேண்டும்.அந்த குழியில்தென்னைநார் கழிவை கொட்டி, அதன் மீது “கரும்புக்கூழ் கழிவு’ கழிவைத் தூவ வேண்டும்.

சாண உரம்

அடுத்ததாக, நன்கு காய்ந்த எரு பொடியை பரப்பி அதன் மீது ஈரமான சாணத்தை கொட்டி அதில் மண் புழுக்களை விடவேண்டும். *சாணத்தை உணவாக எடுத்துக் கொண்ட மண்புழுக்கள் வெளியேற்றும் கழிவுகள் உரமாக கிடைக்கும். பண்ணையில் சேரும் கழிவுகளை, அடுத்ததடுத்த தொட்டிகளில் நிரப்பி சேகரித்து பயிர்களுக்கு இடலாம்.

மேலும் காண்க

• Business Ideas in Tamil
• Video: அம்மா பற்றிய வரிகள்

The post மண்புழு உரம் இயற்கை விவசாயம் appeared first on தமிழ் களஞ்சியம்.