இந்த பதிவில் சூரிய திசை யாருக்கு யோகம் தரும், மேலும் சூரியன் ஜாதகத்தில் எந்தெந்த அமைப்பு பெற்றிருந்தால் நல்ல பலனை தருவார் என்று தெரிந்து கொள்வோம். பொதுவாக, சூரியன் தந்தை, ஆத்மா, பல்,வைத்தியம்,ஒற்றை தலைவி,மாணிக்கம், ஏகவாதம், யானை, கோதுமை,பால்,மிளகு,பகல் காலம் வெளிச்சம், சிவவழிபாடு போன்றவற்றிற்கு காரக காரனாகிறார்.

சூரியன் சிம்ம ராசியில் ஆட்சியும், மேஷ ராசியில் உச்சமும், துலாம் ராசியில் நீசம் பெறுவார். என்பது குறிப்பிடத்தக்கது.

நவ கிரகங்களின் தலைவனாக இருக்கக் கூடிய சூரிய பகவான், தனது தசா காலத்தில், 3,6,10,11 ஆம் வீடுகளில் ஜெனன ஜாதகத்தில் அமையப் பெற்றாலும், ஒரு ஜாதகத்தில் ஆட்சி அல்லது உச்ச நிலை பெற்று அமைந்திருந்தாலும், ஜாதகருக்கு நல்ல அதிகார பதவியினை அடையும் யோகத்தை உண்டாக்குவார்.

சூரிய திசையானது மொத்தம் 6 வருடங்கள் நடைபெறும். நவகிரகங்களின் தசா காலங்களிலேயே, சூரிய திசை காலங்கள் மட்டும் தான் மிகவும் குறுகிய காலமாகும். ஒரு ஜாதகத்தில், சூரியன் பலம் பெற்று பலமான இடத்தில் அமைந்து திசை அல்லது புத்தி நடைபெற்றால், சமுதாயத்தில் மற்றவர்களால் பாராட்டப்பட கூடிய அளவிற்கு ஒரு நல்ல நிலையும், பல பெரிய மனிதர்களின் தொடர்பும், பொருளாதார ரீதியாக மேன்மைகளும், பல சமுதாய நலப் பணிகளில் ஈடுபடக்கூடிய யோகம் உண்டாகும்.

ஒருவருடைய ஜாதகத்தில் சூரியன், பலம் பெறுவது மட்டுமின்றி தனக்கு நட்பு கிரகங்களான, சந்திரன், செவ்வாய், குரு, போன்றவர்களின் சேர்க்கைப் பெற்றிருப்பதும், அக்கிரகங்களின் வீடுகளின் இருப்பதும், அக்கிரகங்களின் நட்சத்திர சாரம் பெற்றிருப்பதும் சிறப்பான பலனை ஜாதகருக்கு கொடுக்கும்.

சூரிய திசை யாருக்கு யோகம்

பொதுவான பலனாக, சூரியன் துலாத்தில் நீசம் பெறுவதும், மகரம், கும்பம் போன்ற சனியின் வீடுகளில் அமையப் பெறுவதும்,8,12 ஆகிய வீடுகளில் அமையப் பெறுவதும், சனி, ராகு போன்ற கிரகங்களின் சேர்க்கை மற்றும் சாரம் பெறுவதும் நல்லதல்ல.

இதில் மேஷ ராசிக்கு சூரியன் 10, 11 ஆக வருவது நல்ல பலனையே தருவார்.

சூரியனுக்கு மிக அருகில் அமையப்பெறும் கிரகங்கள் அஸ்தங்கம் அடைந்து பலம் இழந்து விடுகின்றன. இதில் ராகு, கேது, சந்திரன் போன்ற கிரகங்களுக்கு அஸ்தங்கம் கிடையாது.

ஆனால், சூரியனையே பலமிழக்க வைக்க கூடிய தன்மை ராகுபகவானுக்கு மட்டுமே உண்டு. மேற்கூறியவாறு ராகு, கேதுவுடன் சூரியன் ஒன்றாக அமையப்பெற்று அதன் திசை நடைபெறுமேயானால், உடலில் உஷ்ண சம்மந்தப்பட்ட பாதிப்பு, கண்களில் பாதிப்பு இருதய சம்மந்தப்பட்ட பாதிப்பு, அரசாங்க வழியில் தண்டனை பெறக்கூடிய சூழ்நிலை போன்றவை உண்டாகும்.

மேலும், சூரியன் ஜாதகத்தில் பலமிழந்து இருந்து, சூரியதிசை நடைபெறும் காலங்களில் அனுகூலமற்ற பலன்களை அடைய நேரும்.

கிருத்திகை, உத்திரம், உத்திராடம் ஆகிய நட்சத்திரங்களில் பிறந்தவர்களுக்கு முதல் திசையாக சூரிய திசை வரும். ஒருவரின் ஜாதகத்தில் சூரியன் பலமாக அமையப் பெற்று குழந்தை பருவத்தில் சூரிய திசை நடைபெறுமேயானால், குழந்தையின் ஆரோக்கியம் சிறப்பாக இருக்கும்.

குழந்தையின் தந்தைக்கு செல்வம் சேர்க்கை, புகழ், உயர் பதவிகள, சமூக அந்தஸ்து உயரும். இளமை பருவத்தில் ஒருவருக்கு சூரிய திசை அல்லது புத்தி நடைபெற்றால், கல்வியில் மேன்மை, பெரியோர்களின் ஆசிர்வாதம், நோயற்ற வாழ்க்கை, தந்தைக்கு மேன்மை உண்டாகும்.

அதுவே, மத்திம பருவத்தில் நடைபெற்றால் நல்ல ஆரோக்கியம், அரசு சார்ந்த துறைகளில் உயர்பதவி, அறிவாற்றல் பேச்சாற்றல் எதிலும் சுறுசுறுப்பாக ஈடுபடும் அமைப்பு உண்டாகும். முதுமை பருவத்தில் நடைபெற்றால் சிறப்பான உடலமைப்பு, கௌரவமான பதவிகளைவகுக்கும் யோகம் பொருளாதார ரீதியாக உயர்வுகள் சமுதாயத்தில் புகழ், பெயர் கௌரவம் உயரக்கூடிய வாய்ப்பு கொடுக்கும்.

மாறாக, சூரியன் பலமிழந்திருந்து குழந்தை பருவத்தில் சூரியதிசை நடைபெற்றால் ஜீரம், தோல் வியாதி, தந்தைக்கு கண்டம் ஏற்படும். இளம் பருவத்தில் நடைபெற்றால் கல்வியில் மந்த நிலை ஏற்படும். தந்தையிடம் தொடர்ந்து கருத்து வேறுபாடு உண்டாகும். மத்திம பருவத்தில் நடைபெற்றால் சோம்பேறி தனம், அரசு வழியில் பிரச்சனைகள் ஏற்பட வாய்ப்புள்ளது. நெருங்கியவர்களிடமும் கருத்து வேறுபாடு ஏற்படும். முதுமை பருவத்தில் நடைபெற்றால் இருதய கோளாறு, கண்களில் பாதிப்பு, சமூகத்தில் கெட்ட பெயர் உண்டாகும்.

நன்றி வணக்கம் வாழ்க வளமுடன்!

Read More

• Astrology related articles in Tamil
• வளமான வாழ்வு தரும் கருட தரிசனம்
• Video சூரிய திசை பற்றிய தகவல்கள்

The post சூரிய திசை யாருக்கு யோகம் தரும் appeared first on தமிழ் களஞ்சியம்.

இந்த பதிவில் எந்த ராசிக்கு எந்த ராசி பொருந்தும் மற்றும் அவ்வாறு பொருத்தம் செய்வதால் இன்பமான திருமண வாழ்க்கை அமையுமா என்று பார்ப்போம்.

பொதுவாக ஜோதிடத்தில் லக்கினம் வைத்துதான் பலன் பார்க்க வேண்டும். லக்கினம் தான் உயிர். இங்கு ராசி என்பது சந்திரன். சந்திரன் மனோகாரகன். ஆதலால் ராசி மனதை குறிக்கிறது. லக்கினம் உயிர், ராசி மனம் ஆகும். இந்த விதி அனைவருக்கும் சமம்.

இருப்பினும், ஜாதகத்தில் இருவரின் ராசியை பார்த்து பொருத்தம் பார்ப்பது, இருவருக்கும் உள்ள மனபொருத்தம் உள்ளதா என்பதை அறியலாம். அதன் அடிப்படையிலே நான் கீழ்வரும் பதிவினை பதிவிடுகிறேன்.

குறிப்பு: கீழ்வரும் பொருத்தமான ராசிகள் பொதுவான ராசியின் குணத்தின் அடிப்படையிலே தொகுக்கப்பட்டது. உண்மையிலே திருமண பொருத்தம் பார்க்க லக்னம் பொருத்தம், ராசி பொருத்தம், நட்சத்திர பொருத்தம், பாவக பொருத்தம், தசா புத்தி என அனைத்து பொருத்தமும் பார்த்து அமைத்துக்கொள்வது சிறந்தது.

1) சிம்மம் மற்றும் துலாம்

சிம்ம ராசி அதிபதி சூரியன். அதே போல துலாம் ராசிக்கு அதிபதி சுக்கிரன். சிம்ம ராசிக்காரர்களுக்கு ஆளுமை உண்டு. தன்னம்பிக்கை மற்றும் ஒருவரை ஆதிக்கம் செலுத்தும் திறன் கொண்டவர்.

அதே நேரத்தில் துலாம் அமைதியை விரும்புபவர். அவர்கள் நேசிக்கிறார்கள் மற்றும் ஒன்றாக வாழ விரும்புகிறார்கள். இதன் காரணமாக இந்த இரண்டு ராசிக்காரர்களும் பெரிய அளவில் தங்கள் வாழ்க்கையில் எந்த பிரச்சனையும் இல்லாமல் நல்ல புரிதலுடன் இருக்கக்கூடிய தம்பதிகளாக இருப்பார்கள்.

2) மிதுனம் மற்றும் துலாம்

மிதுன ராசிக்கு அதிபதி புதன் பகவான். கல்வி, ஞானம், தனம் ஆகியவற்றை வழங்கக்கூடியவர். துலாம் ராசிக்கு அதிபதி சுக்கிரன். மிதுன ராசிக்காரர்கள் அடுத்தவரின் உணர்வுகளைப் புரிந்து கொண்டு நடக்கக்கூடிய மனநிலை உடையவர்கள்.

துலாம் ராசியினர் அமைதியை விரும்புபவர்கள், எதையும் ஏற்றுக்கொள்ளும் மனப்பக்குவம் கொண்டவர்கள். இவ்வாறு, இந்த இரண்டு ராசிக்காரர்களும் திருமணத்தில் இணைவதால், வாழ்க்கையில் மகிழ்ச்சி தவழும்.

3) மேஷம் மற்றும் கும்பம்

மேஷ ராசி அதிபதி செவ்வாய். பிடிவாதமாகவும், சுறுசுறுப்பாகவும், எந்த விஷயத்திலும் ஆர்வமாகவும், உணர்ச்சியாகவும் இருங்கள்.

அதே சமயம் கும்பம் ஒரு நபரின் உணர்ச்சிகளைப் புரிந்துகொண்டு அவற்றை எவ்வாறு கையாள்வது என்பதை நன்கு அறிந்தவர். இதனால் அவர்கள் வாழ்க்கையில் வரக்கூடிய பிரச்சனைகளை சிறப்பாக கையாள முடியும்.

4) கடக ராசி மற்றும் மேஷம்

கடக ராசி அதிபதி சந்திரன். நல்ல எண்ணம் கொண்டவர்கள். ஜல ராசிக்காரர்கள் எதையும் கையாளும் குணம் கொண்டவர்கள்.

அதே போல் மேஷ ராசி அதிபதி செவ்வாய் பகவான். அவர்கள் தைரியமாகவும் நம்பிக்கையுடனும் இருக்கிறார்கள். அக்கினியாக இருக்கக்கூடிய மேஷ ராசிக்காரர்கள், நீர் போல் குளிர்ச்சியாக இருக்கும் கடக ராசிக்காரர்களால் தணியும். இதனால் இந்த ஜோடி சிறப்பாக இருக்கும், ஏனென்றால் அவர்கள் ஒருவருக்கொருவர் குறைபாடுகளை புரிந்துகொண்டு அவற்றை சமாளிக்க முடியும்.

5) மீனம் மற்றும் கடகம்

மீன ராசி அதிபதி வியாழன். தீய விளைவுகளிலிருந்து மீட்பவர். கர்ம வினைகளிலிருந்து நம்மைக் காப்பாற்றுபவர்.

கடக ராசிக்கு சந்திரன் அதிபதி. இந்த இரண்டு ராசிகளும் நீர் ராசிகள். இதனால் இரு ராசிக்காரர்களுக்கும் அதிக ஒற்றுமை இருப்பதால் எந்த விஷயத்திலும் இருவருக்குள்ளும் ஒற்றுமையும் விட்டுக் கொடுப்பும் இருக்கும். மேலும் அவர்கள் இருவருக்கும் இடையே உள்ள அன்பும் பாசமும் ஒருவருக்கொருவர் நன்றாகப் பழகும்.

6) ரிஷபம் மற்றும் மகரம்

மீன ராசிக்கு சுக்கிரனும், மகர ராசிக்கு சனியும் அதிபதி. இரண்டு ராசிகளும் நட்பு கிரகங்கள் மற்றும் இரண்டும் ராசிகள். எனவே இரண்டு ராசிகளும் ஒன்றுதான். இதனால் இரு ராசிக்காரர்களுக்கு இடையே தனிப்பட்ட வாழ்க்கையாக இருந்தாலும் சரி திருமண வாழ்க்கையாக இருந்தாலும் சரி நம்பிக்கையும் புரிதலும் இருக்கும்.

Read More

• காதல் திருமண ஜாதக பொருத்தம்
• 12 Houses in Astrology and their Lords
• Astrology related articles in Tamil

The post எந்த ராசிக்கு எந்த ராசி பொருந்தும் appeared first on தமிழ் களஞ்சியம்.

ஜாதக கட்டத்தில் லக்னம் அல்லது ராசிக்கு(சந்திரன் நின்ற ராசி) செவ்வாய் ஆனது 2,4,7,8,12ஆம் வீடுகளில் இருந்தால் செவ்வாய் தோஷம் அமைப்பு உள்ள ஜாதகம் என்று எடுத்துக்கொள்ளலாம்.

செவ்வாய் கிரகம் ஒரு இயற்கை பாவ கிரகம் அதீத கோபம், படபடப்பு, அவசர முடிவு, முடிவு எடுத்தபின்பு தவறான முடிவு செய்தோம் என்று வருந்துவது, தைரியத்தை குறிப்பது, துணிகரம், சூது, வஞ்சகம் தீர்ப்பது, விபத்து, வெட்டு காயம் போன்ற அனைத்து விஷயங்களுக்கும் காரணமாகிறது.

திருமணம் என்று வரும்போது எல்லா பொருத்தத்தையும் பார்த்து முக்கியமாக செவ்வாய் தோஷம் இருக்கிறதா என்று பார்க்க வேண்டும். திருமண பொருத்தத்தில் செவ்வாய் தோஷத்திற்கு முக்கிய பங்கு உண்டு. ஏன் அதனை பார்க்கிறார்கள் என்று பார்ப்போம்.

பொதுவாக மேலே குறிப்பிட்ட இடங்களில் செவ்வாய் இருந்தால் அவர்களுக்கு தம்பதிய சுகத்தில் அதிக எண்ணம் இருக்கும். சில நேரங்களில் களத்திரத்தினால் ஈடு கொடுக்க முடியாமல் போகலாம். இதனால் பிரச்சனைகள் ஏற்படும். மேலும் அவர்களுடைய குணாதிசயம் மிகவும் விரைவானதாக இருக்கும். வேகமாக சாப்பிடுவது, கட்டுக்கடங்காமல் பேசுவது போன்று, ஆதலால் அவர்களுக்கு இணையான ஜாதகத்தை பொருத்துவதே சிறப்பை தரும்.

• செவ்வாய் தோஷம் பொருத்தம்
• செவ்வாய் தோஷ விதிவிலக்கு நிவர்த்தி பரிகாரம்
• செவ்வாய் கிரக காரகத்துவம்

செவ்வாய் தோஷம் அமைப்பு

இருப்பினும் செவ்வாய் தோஷம் எவ்வாறு செயல்படுகிறது என்று பார்ப்போம். 2ஆம் வீட்டில் செவ்வாய் இருந்தால், கார சுவை அதிகம் விரும்புவார்கள், குடும்பத்திற்கு கட்டுப்படாதவர்களாக இருப்பார்கள், பேச்சில் ஒரு அதட்டலும் பணிவின்மையும் இருக்கும்.

4ஆம் வீட்டில் செவ்வாய் இருப்பவர்கள் பிடிவாத குணத்துடன் இருப்பார்கள். யாருடைய பேச்சையும் பின்பற்றி நடக்க மாட்டார்கள்.

7ஆம் வீட்டில் செவ்வாய் இருந்தால் களத்திரம் பிடிவாத குணத்துடனும், இச்சை கொள்வதில் அதிக நாட்டம் இருக்கும்.

8ஆம் வீட்டில் செவ்வாய் இருந்தால் களத்திரத்தின் குடும்பத்தார் யாரேனும் முரட்டு பிடிவாத குணத்துடன் இருப்பார்கள். மேலும் களத்திரத்திற்கு இச்சை கொள்ளும் எண்ணம் அதிகமாக இருக்கும்.

12ஆம் வீட்டில் இருந்தால் அவசர முடிவு எடுப்பவர்களாக இருப்பர்கள். மேலும் தம்பதிய சுகத்தில் அதீத நாட்டம் உள்ளவர்களாக இருப்பார்கள்.

ஆதலால் இதுபோன்ற செவ்வாய் தோஷம் அமைப்பு உள்ள ஜாதகத்தை அதே போன்று தோஷம் உள்ள ஜாதகத்தை இணைத்து திருமணம் செய்ய வேண்டும். அப்பொழுதுதான் இருவருக்கும் கருத்து வேறுபாடு ஏற்படாமல் கடைசி வரைக்கும் நல்லபடியாக வாழ்வார்கள்.

சேர்ந்து இருக்கும் கிரகங்கள், பார்க்கும் கிரகங்கள் பொறுத்து பலன் மாறுபடும்.

Video: அடிப்படை ஜோதிடம் கற்க

• Astrology related articles in Tamil
• செவ்வாய் தோஷ விதிவிலக்கு நிவர்த்தி பரிகாரம்

The post செவ்வாய் தோஷம் அமைப்பு உள்ள ஜாதகம் appeared first on தமிழ் களஞ்சியம்.

நைசர்க்ய பலம் – ஜாதகத்தில் ஒரு கிரகம் வலிமை அடைந்துள்ளதா மற்றும் பாவகம் வலிமை அடைந்துள்ளதா என்றான் நாம் கண்டறிவோம். ஆனால், ஒரே வீட்டில் ஒன்றுக்கு மேற்பட்ட கிரகங்கள் ஒரே ராசியில் அமரும்போது எந்த கிரகம் வலிமையுடன் இருக்கிறது என்பதை எவ்வாறு கண்டறிய வேண்டும்.

ஜோதிடத்தில் ஒன்றுக்கு மேற்பட்ட கிரகங்கள் ஒரே வீட்டில் இருந்தால் அதில் எந்த கிரகம் வலிமை என்று நைஷர்க்ய பலம் கொண்டு ஆராய வேண்டும்.

நைசர்க்ய பலம் அட்டவணை

சனியை விட செவ்வாய் பலமானவர்
செவ்வாயை விட புதன் பலமானவர்
புதனை விட குரு பலமானவர்
குருவை விட சுக்கிரன் பலமானவர்
சுக்கிரனை விட சந்திரன் பலமானவர்
சந்திரனை விட சூரியன் பலமானவர்
சூரியனை விட ராகு பலமானவர்
ராகுவை விட கேது பலமானவர்

இந்த அடிப்படையில் பலத்தை கண்டறிந்து பலன் கூற வேண்டும்.

மேற்கூறிய உதாரண ஜாதகத்தில் லக்கினத்தில் இருந்து 7ஆம் வீட்டில் சூரியன், புதன், சுக்கிரன் என முக்கூட்டு கிரகங்கள் ஒன்றாக இருக்கின்றன. இந்த பாவகத்தில் எந்த கிரகம் ஆதிக்கம் செலுத்தும் என்று நைஷர்க்ய பலம் விதிப்படி புதனை விட சுக்கிரனும் சுக்கிரனை விட சூரியனும் பலமானவர்கள் என்பதை அறிந்து கொள்ளவேண்டும்.

சூரியன் அந்த பாவத்தை ஆதிக்கம் செலுத்துவார் என்று தெரிந்து கொள்ள வேண்டும். இதை சூரியனுக்கு பதில் செவ்வாய் அங்கு இருந்தால் இங்கு கிரகயுத்தம் விதிப்படி பார்க்க வேண்டும். எந்த கிரகம் அதிக பாகையில் உள்ளதோ அதுவே அந்த பாவகத்தை ஆதிக்கம் செய்யும், குழப்பிக்கொள்ள கூடாது.

தெரிந்துகொள்க

• திருஷ்டி பலம்
• ஷட்பலம் என்றால் என்ன?
• ஆத்மகாரகன் என்றால் என்ன?
• பரிவர்த்தனை யோகம்
• கிரகயுத்தம் என்றால் என்ன?
• Video: அடிப்படை ஜோதிடம் கற்க
• Astrology related articles in Tamil

The post நைசர்க்ய பலம் appeared first on தமிழ் களஞ்சியம்.

இந்த பதிவில் ஜோதிடத்தில் மாரகாதிபதி என்றால் என்ன? மற்றும் எந்த ராசிக்கு யார் யார் மாரகாதிபதி என்று விரிவாக பார்ப்போம்.

வேத ஜோதிடத்தில் ஜென்ம லக்கினம் தொடக்கி எண்ணும்பொழுது 2,3,7,8,12ஆம் வீடுகள் மாறாக ஸ்தானம் ஆகும். இந்த வீடுகளின் அதிபதிகள் மாரகாதிபதிகள் ஆவார்கள்.

இருப்பினும் இன்றைய காலகட்டத்தில் லக்கினத்தில் இருந்து 2,7ஆம் வீடுகள் மாரக ஸ்தானம் என்றும் அதன் அதிபதிகளையே மாரகாதிபதி என நடைமுறையில் எடுத்துக்கொள்கிறார்கள். ஏனென்றால், 2,7ஆம் அதிபதிகள் கடுமையான மாரகாதிபதிகள் ஆவார்கள்.

லக்கின ராசியும் மாரகாதிபதியும்

குறிப்பு: மாரகாதிபதிகள் லக்கின சுபராக வரும்போது மார்கத்தை ஏற்படுத்துவதில்லை. அதனை மாரகாதிபதியாக எடுத்துக்கொள்ளக்கூடாது. இருப்பினும் கீழே 2,7ஆம் அதிபதிகள் மாரகாதிபதி என கொடுத்துள்ளோம்.

மேஷம் – சுக்கிரன்
ரிஷபம் – புதன், செவ்வாய்
மிதுனம் – சந்திரன், குரு
கடகம் – சூரியன், சனி
சிம்மம் – புதன், சனி
கன்னி – சுக்கிரன், குரு
துலாம் – செவ்வாய்
விருச்சிகம் – குரு, சுக்கிரன்
தனுசு – சனி, புதன்
மகரம் – சந்திரன்
கும்பம் – குரு, சூரியன்
மீனம் – செவ்வாய், புதன்

1). மாரகர் என்றால் என்ன?

2,7ஆம் வீடுகள் மாரக ஸ்தானம் என்றும் அதன் அதிபதிகளையே மாரகர் என்று அழைப்பர்.

2) மாரக ஸ்தானம் என்றால் என்ன?

லக்கினத்தில் இருந்து 2,7ஆம் வீடுகள் மாரக ஸ்தானம் என்றும் அதன் அதிபதிகளையே மாரகாதிபதி என்று அழைப்பர்.

தெரிந்துகொள்க

• லக்கின சுபர் பாவர் கண்டறிவது
• திருஷ்டி பலம்
• ஷட்பலம் என்றால் என்ன?
• ஆத்மகாரகன் என்றால் என்ன?
• பரிவர்த்தனை யோகம்
• கிரகயுத்தம் என்றால் என்ன?
• Video: அடிப்படை ஜோதிடம் கற்க
• Astrology related articles in Tamil

The post மாரகாதிபதி என்றால் என்ன? appeared first on தமிழ் களஞ்சியம்.

ஜோதிடத்தில் லக்கின சுபர் மற்றும் லக்கின பாவர் (லக்கின அசுபர்) கண்டறிவது எப்படி என்று தெரிந்துகொள்வோம்.

நவகோள்களில் சூரியன், ராகு மற்றும் கேதுவை தவிர மற்ற 6 கிரகங்களை இரண்டாக பிரித்துக்கொள்வோம். அதில் சந்திரன், செவ்வாய், குரு ஆகியோர் A அணி எனவும். புதன், சுக்கிரன், சனி ஆகியோர் B அணி எனவும் பிரித்துக்கொள்ள வேண்டும்.

இதில் ஒரே அணியில் இடம் பெற்றவர்கள் தங்களுக்குள் நட்பு மற்றும் லக்கின சுபர் ஆவார்கள். அதேபோல எதிர் அணியில் இருக்கும் கிரகங்கள் லக்கின பாவர் அல்லது லக்கின அசுபர் ஆவார்கள்.

உதாரணமாக, மேஷ ராசியில் பிறந்தவர்களுக்கு செவ்வாய் அதிபதி என்பதால் மேஷ லக்கினத்திற்கு சனி, புதன், சுக்கிரன் பகை அல்லது லக்கின அசுபர் ஆவார்கள். ரிஷப ராசியில் பிறந்ததவர்களுக்கு சுக்கிரன் அதிபதி ஆவார்கள். ஆதலால், செவ்வாய், சந்திரன், குரு லக்கின பாவர் (லக்கின அசுபர்) ஆவார்.

ராகு கேது கிரகங்களை பொறுத்தவரையில் அவர்கள் எந்த ராசியில் நிற்கிறார்களோ அந்த ராசியின் அதிபதி எந்த அணியோ அந்த அணிக்கு சுபர் மற்ற அணிக்கு பாவர் ஆவார்கள்.

உதாரணமாக, மேஷத்தில் ராகு, துலாமில் கேது என வைத்துகொள்வோம். மேஷ ராசி அதிபதி செவ்வாய் ஆவார், ஆகவே, ராகு A அணிக்கு லக்கின சுபராகவும் B அணிக்கு பாவராகவும் செயல்படுவார். அதேபோல கேது துலாமில் நிற்க அதன் அதிபதி சுக்கிரன் ஆவார், ஆதலால் கேது B அணிக்கு லக்கின சுபராகவும் A அணிக்கு பாவராகவும் செயல்படுவார். இதே போல ஒவ்வொரு சுய ஜாதகத்திற்கும் கணக்கில் கொள்ள வேண்டும்.

இருப்பினும் நடைமுறையில், ராகு கேது இருவரும் B அணிக்கே சுபராகவும் A அணிக்கு பாவராகவும் செயல்படுகிறார்கள்.

சூரியன் A அணிக்கு லக்கின சுபராகவும், B அணிக்கு லக்கின பாவராகவும் செயல்படுவார்.

கடைசியாக எளிதாக புரிய நடைமுறையில் உள்ள லக்கின சுபர் அமைப்பு இது ஆகும்..

அணி A – சூரியன், சந்திரன், செவ்வாய், குரு
அணி B – சுக்கிரன், புதன், சனி, ராகு, கேது

மேற்கூறிய விஷயங்களின் படி, ஒவ்வொரு ஜாதகத்திலும் லக்கின சுபர் மற்றும் பாவர் என்று கணக்கிட்டுக்கொள்ள வேண்டும்.

தெரிந்துகொள்க

• திருஷ்டி பலம்
• ஷட்பலம் என்றால் என்ன?
• ஆத்மகாரகன் என்றால் என்ன?
• பரிவர்த்தனை யோகம்
• கிரகயுத்தம் என்றால் என்ன?
• Video: அடிப்படை ஜோதிடம் கற்க
• Astrology related articles in Tamil

The post லக்கின சுபர் பாவர் கண்டறிவது appeared first on தமிழ் களஞ்சியம்.

திருஷ்டி பலம் – ஜோதிடத்தில் பலன் சொல்ல பல கணக்குகள் இருந்தாலும் ஷட்பலம் முக்கியம் அதில் ஒன்றாக திருஷ்டி பலம் உள்ளது. அதனை எவ்வாறு பலன் சொல்ல பயன்படுத்தலாம் என்று பார்ப்போம்.

பொதுவாக திருஷ்டி என்றால் பார்வை என்று பொருள். கிரகங்கள், சுபக்கிரகங்கள் மற்றும் அசுப கிரகங்களின் பார்வை பெற்றுள்ளதா என்று பார்ப்பது திருஷ்டி பலம். இங்கு சுபம் அசுபம் என்பது லக்கின ரீதியாக கணக்கிட வேண்டும்.

ஒவ்வொரு கிரகத்திற்கும் பார்வை உண்டு அவற்றை முதலில் தெரிந்துகொள்வோம்.

சூரியன் 7ஆம் பார்வை
சந்திரன் 7ஆம் பார்வை
செவ்வாய் 4,7,8ஆம் பார்வை
புதன் 7ஆம் பார்வை
குரு 5,7,9ஆம் பார்வை
சுக்கிரன் 7ஆம் பார்வை
சனி 3,7,10ஆம் பார்வை
ராகு, கேதுவுக்கு சிலர் 7ஆம் பார்வை உண்டு என்றும் சிலர் இல்லை என்றும் கூறுவார்கள்.

என்னை பொறுத்தவரையில் ராகு கேது இரண்டும் தான் இருக்கும் வீட்டில் மற்றும் உடன் இருக்கும் கிரக காரத்தை தான் பாதிக்கும், ஆதலால் பார்வை இல்லை என்றே எடுத்துக்கொள்வேன். இது என்னுடைய தனிப்பட்ட கருத்து மட்டுமே.

இப்பொழுது, ஒரு ஜாதகத்தில் திருஷ்டி இருக்கிறதா என்று எளிதாக பார்த்துவிடலாம். ஏனென்றால் செவ்வாய், குரு, சனி தவிர மற்ற கிரகங்களுக்கு 7ஆம் பார்வை மட்டுமே உண்டு.

இதை பலன் சொல்ல நேரடியாக பயன்படுத்தாமல் லக்கின சுபர் பார்வை பெற்றால் நல்ல பலன் என்றும் லக்கின பாவர் பார்த்தால் மாறான பலன் என்றும் எடுத்து பலன் சொல்ல வேண்டும்.

குறிப்பு:

குரு 5,7,9ஆம் பார்வை எங்கு விழுந்தாலும் அந்த பாவகம் வலுப்பெறும். இங்கு நல்ல பாவமாக இருப்பின் நல்லது மறைவு ஸ்தான பாவமாக இருந்தால் பலனில் மாற்றம் உண்டு.

அதே போல சனி பார்க்கும் பாவகமும் சற்று தாமதத்தையும் தடங்கல்களையும் தரும், லக்கின சுபராக இருப்பின் தாமதத்தை கொடுத்தாலும் நல்ல பலனையே தருவார்.

தெரிந்துகொள்க

• நவகிரகங்களின் வலிமை அளவு
• ஷட்பலம் என்றால் என்ன?
• ஆத்மகாரகன் என்றால் என்ன?
• அஸ்தமனம் என்றால் என்ன?
• வக்கிரம் என்றால் என்ன?
• பரிவர்த்தனை யோகம்
• கிரகயுத்தம் என்றால் என்ன?
• Video: அடிப்படை ஜோதிடம் கற்க
• Astrology related articles in Tamil

The post திருஷ்டி பலம் appeared first on தமிழ் களஞ்சியம்.

பொதுவாக நவகிரகங்களின் சப்த வலிமை என்னவென்றால் நவகிரகங்கள் ராசிகளில் நிற்க ஆட்சி, உச்சம், மூலதிரிகோணம், நட்பு, சமம், பகை, நீசம் என்ற வலிமையை அடைகின்றன என்பதை நாம் அறிவோம்.

ஆனால், மேற்கூறிய நிலையில் இருந்தால் எந்த அளவு பலம் என்று எப்படி கணக்கிடுவது என்று பார்ப்போம்.

நவகிரகங்களின் வலிமை அளவு

ஒரு கிரகம் தனது உச்ச வீட்டில் இருந்தால் 2 பங்கு பலம் (200%)
ஒரு கிரகம் தனது மூலத்திரிகோண வீட்டில் இருந்தால் 1.75 அளவு பலம் (175%)
ஒரு கிரகம் தனது ஆட்சி வீட்டில் இருந்தால் – 1.5 அளவு பலம் (150%)
ஒரு கிரகம் தனது நட்பு வீட்டில் இருந்தால் 1 பங்கு அளவு பலம் (100%)
ஒரு கிரகம் தனது சமம் வீட்டில் இருந்தால் 0.75 பங்கு அளவு பலம் (75%)
ஒரு கிரகம் தனது பகை வீட்டில் இருந்தால் 0.5 பங்கு அளவு பலம் (50%)
ஒரு கிரகம் தனது நீச வீட்டில் இருந்தால் 0.25 பங்கு அளவு பலம் (25%)

இதனை கணக்கில் கொண்டு கிரகங்களின் பலனை கண்டறிய வேண்டும். அதற்கென இதனை அப்படியே நேரடியாக பலன் சொல்ல எடுத்துக்கொள்ள கூடாது. அந்த கிரகம் லக்கினதிற்கு நட்பு வீட்டில் உள்ளதா பகை வீட்டில் உள்ளதா என்று ஆராய வேண்டும்.

தெரிந்துகொள்க

• ஷட்பலம் என்றால் என்ன?
• ஆத்மகாரகன் என்றால் என்ன?
• அஸ்தமனம் என்றால் என்ன?
• வக்கிரம் என்றால் என்ன?
• பரிவர்த்தனை யோகம்
• கிரகயுத்தம் என்றால் என்ன?
• Video: அடிப்படை ஜோதிடம் கற்க

The post நவகிரகங்களின் சப்த வலிமை appeared first on தமிழ் களஞ்சியம்.

ஷட்பலம் 6 வகை பலன்களை ஒருங்கே இணைத்து பார்த்து பலன் சொல்ல வேண்டும். அவை ஸ்தான பலம், திருஷ்டி பலம், திக் பலம், ஜேஷ்டா பலம், கால பலம், நைசர்க்ய பலம் என்று ஜோதிட சாஸ்திரம் வகுத்துள்ளது. அதனை நாம் விரிவாக பார்ப்போம்.

ஸ்தான பலம்

ஸ்தானம் பலம் என்பது கிரகங்கள் ஆட்சி-உச்ச-நட்பு மற்றும் மூலத்திரிகோண ராசிகளிலோ, வர்கோத்தமம் பெற்றாலோ, நீச வீடு, உச்ச வீடு, கேந்திரம், திரிகோணம் என எவ்வகையில் பலமுடன் இருக்கிறது என்று ஆராய்ந்து பலன் கூற வேண்டும்.

திருஷ்டி பலம்

திருஷ்டி என்றால் பார்வை என்று பொருள். கிரகங்கள், சுபக்கிரகங்கள் மற்றும் அசுப கிரகங்களின் பார்வை பெற்றுள்ளதா என்று பார்ப்பது திருஷ்டி பலம். இங்கு சுபம் அசுபம் என்பது லக்கின ரீதியாக கணக்கிட வேண்டும்.

திக் பலம்

திக் என்றால் திசை என்று பொருள். லக்கினத்தை பொறுத்த கிரகங்கள் எங்கு அமைந்திருக்கிறது அதனை பொறுத்த திக் பலம் கணக்கிடப்படுகிறது. அவற்றை பார்ப்போம்.

புதன், குரு லக்கினத்தில் அமரும்போது திக் பலம் அடைகின்றது.

சந்திரன், சுக்கிரன் லக்கினத்திற்கு 4ஆவது வீட்டில் அமரும்போது திக் பலம் அடைகின்றன.

சனி 7வது வீட்டில் அமர்ந்து திக் பலம் அடைகின்றது.

சூரியன், செவ்வாய் 10ஆம் வீட்டில் அமரும்போது திக் பலம் அடைகின்றன.

ஜேஷ்டா பலம்

ஜேஷ்டா பலத்தை கிரகங்களின் பயண அடிப்படையில் கணக்கிடுவதாகும். அவற்றை பார்ப்போம்

சூரியன், சந்திரன் உத்தராயண காலத்திலும், ஏனைய கிரகங்கள் வக்கிரம் பெரும் காலங்களில் ஜேஷ்டா பலம் அடைகின்றது.

இதனை பொறுத்து பலன் கூற வேண்டும்.

கால பலம்

பகல்-இரவு என இரு காலங்களில் கிரகங்கள் வலிமையை ஆய்வு செய்ய வேண்டும்.

சூரியன், குரு, சுக்கிரன் பகலில் கால பலம் பெறுகிறார்கள்.

சந்திரன், செவ்வ்வாய், சனி இரவில் கால பலம் பெறுகிறார்கள்.

புதன் பகல், இரவு என இரண்டு காலங்களிலும் கால பலம் பெறுகிறார்கள்.

நைசர்க்ய பலம்

ஒன்றுக்கு மேற்பட்ட கிரகங்கள் ஒரே ராசியில் அமரும்போது எந்த கிரகம் வலிமையுடன் இருக்கிறது என்பதை நைசர்க்ய பலம் கொண்டு ஆராய வேண்டும். அவற்றை பார்ப்போம்

சனியை விட செவ்வாய் பலம் அதிகம்
செவ்வாயை விட புதன் பலம் அதிகம்
புதனை விட குரு பலம்
குருவை விட சுக்கிரன் பலம்
சுக்கிரனை விட சந்திரன் பலம்
சந்திரனை விட சூரியன் பலம்
சூரியனை விட ராகு பலம்
ராகுவை விட கேது பலம் அதிகம்

இந்த அடிப்படையில் பலத்தை கண்டறிந்து பலன் கூற வேண்டும்.

தெரிந்துகொள்க

• ஆத்மகாரகன் என்றால் என்ன?
• அஸ்தமனம் என்றால் என்ன?
• வக்கிரம் என்றால் என்ன?
• பரிவர்த்தனை யோகம்
• கிரகயுத்தம் என்றால் என்ன?
• Video: அடிப்படை ஜோதிடம் கற்க

The post ஷட்பலம் என்றால் என்ன? appeared first on தமிழ் களஞ்சியம்.

ந்த பதிவில் கோச்சாரம் என்றால் என்ன? எப்படி பார்ப்பது என்று பார்ப்போம். கிரகங்களின் அன்றாட இயக்கமே கோச்சாரம் ஆகும். லக்கினம் என்பது உயிர், சந்திரன் என்பது உடல், மனம் என்று பொருள். இந்த உலகில் ஏற்படும் நன்மை தீமைகளால் அதிகம் அனுபவிப்பது உடலும் மனமும் தான், அதனால் சந்திரனை வைத்தே கோச்சார பலன்களை பார்க்க வேண்டும்.

நம் வாழ்வில் சுய ஜாதகம் எவ்வளவு முக்கியமோ, அதே அளவிற்கு கிரக கோச்சாரம் முக்கியத்துவம் பெறுகிறது. ஜோதிட சாஸ்திரப்படி அன்றாடம் கிரகங்கள் இயங்கிக்கொண்டு தான் இருக்கின்றன. அதற்கு கிரக பெயர்ச்சி என்று பெயர். அதிலும் முக்கியத்துவம் வாய்ந்தவை குரு பெயர்ச்சி, சனி பெயர்ச்சி, ராகு, கேது பெயர்ச்சி. நாம் ஜாதகம் பார்க்கும் போது, நடப்பில் உள்ள கிரக அமைப்பு பொறுத்து சொல்லும் பலனே கோச்சார பலன் ஆகும்.

தின பலன், வார ராசி பலன், மாத ராசிபலன், ஆண்டு ராசி பலன்கள் அனைத்தும் கிரக கோசாரத்தை பொறுத்து தான் சொல்லப்படுகிறது.

தினம் நகரக் கூடிய கிரகங்களை அடிப்படையாக வைத்து தின பலன்கள் சொல்லப்படுகின்றன. உதாரணமாக சந்திரனின் இயக்கத்தை வைத்து தின பலன் கூறப்படுகிறது. சூரியன் சுக்கிரன் புதன் வைத்து மாத ராசிபலன்கள் கூறப்படுகிறது. குரு, சனி பெயர்ச்சி வைத்து வருட பலன்கள் கூறப்படுகிறது.

ஒரு ஜாதகத்தைப் பொறுத்தளவில் கோசாரம் பலன்கள் வேறு மாதிரியாக இருக்கும், தசாபுத்தி வேறுமாதிரியாக இருக்கும் என்று கூறுவார்கள். ஆனால் தெளிவாக ஆராய்ந்து பார்த்தால் தசா புத்தி பலனும் கோச்சார பலனும் ஒரே மாதிரியாகவே தான் இருக்கும். ஏனெனில் விதி என்பது எப்போதும் மாறாது. ஜோதிடத்தில் பல முறைகள் இருந்தாலும் ஒரே பலனைத் தான் தரும்.

தெரிந்துகொள்க

• ஆத்மகாரகன் என்றால் என்ன?
• அஸ்தமனம் என்றால் என்ன?
• வக்கிரம் என்றால் என்ன?
• பரிவர்த்தனை யோகம்
• கிரகயுத்தம் என்றால் என்ன?
• Video: அடிப்படை ஜோதிடம் கற்க

The post கோச்சாரம் என்றால் என்ன? appeared first on தமிழ் களஞ்சியம்.