குழந்தை வளர்ப்பு Archives

குடும்ப கதைகள் தமிழ் – Children Short stories Tamil

Rajendran Selvaraj — Thu, 24 Sep 2020 08:23:48 +0000

குடும்ப கதைகள் தமிழ் – Children Short Stories Tamil

திருமண வீடு

ஒரு வீட்டிலே திருமணம் சிறப்பாக நடந்து கொண்டிருக்கிறது. தட்டி ஒரமாக நின்ற வேலைக்காரனை அங்கு வந்த அவனது நண்பன் அழைத்தான். ‘இங்கே எப்படி உன் வேலை?’ என்று கேட்டான்.

அதற்கு வேலைக்காரன், “சாதாரண நாளிலேயே இந்த வீட்டு வேலை இழவு வீட்டு வேலை மாதிரி இருக்கும். இப்ப கலியாண வீட்டு வேலை. பேரிழலாய் இருப்பதற்குக் கேட்பானேன்” – என்றான்.

“திருமண வீட்டிலே இழவு, பேரிழவு என்று பேசலாமா” என்று நண்பன் கேட்டான்.

அதற்கு அவ் வேலையாள் –

“நேற்று சீர்வரிசை கொண்டு வரும்போது எல்லோரும், பழத்தட்டு, பாக்கு, கற்கண்டு, பூத்தட்டு தூக்கிக் கொண்டார்கள். என் தலையிலே தேங்காய்த் தட்டைத் தூக்கிவைத்து விட்டார்கள். நான் என்ன செய்வது! பிணத்தைத் தூக்குகிற மாதிரி, அவ்வளவு கனமாக இருந்தது. தூக்கித்தானே நடக்கணும்” – என்று சொன்னான்.

இதனையெல்லாம் கேட்டுக் கொண்டிருந்த, வந்திருந்தவர்களிலே ஒரு பெரியவர்,

“என்னப்பா, தாலி கட்டப் போகிற சமயத்திலே இழவு, பேரிழவு, பிணம் – என்று பேசலாமா?’ – என்று கேட்டார்.

அதற்கு வேலைக்காரன் –

“போங்கையா – தாலி கட்டியதும் நீங்கள் எல்லாம் சாப்பிட்டுவிட்டுப் போய்விடுங்க. என்பாடல்ல இங்கே தாலி அறுது” – என்று சொன்னான். அதற்கு ஒன்றும் பேசாமலே பெரியவர் எழுந்து போய்விட்டார்.

எதை, எங்கு, யார், எவரிடத்தில் –

எப்படிப் பேசுவது என்பதை இன்னும் பலர் புரிந்து கொள்ளவில்லை.

– என்பதற்கு இது ஒரு சான்று.

சிறுவர் கதைகள் தமிழ் – Kids Short stories Tamil

The post குடும்ப கதைகள் தமிழ் – Children Short stories Tamil appeared first on தமிழ் களஞ்சியம்.

சிறுவர் கதைகள் தமிழ் – Kids Short stories Tamil

Rajendran Selvaraj — Thu, 24 Sep 2020 07:26:19 +0000

தமிழ் களஞ்சியம்

சிறுவர் கதைகள் தமிழ் – Kids Short stories Tamil

ஊர்வலம்

திண்டுக்கல்லில் பெரிய இடத்துத் திருமணம்; பூப் பல்லக்கு அலங்காரம்; ஊர்வலம் வருகிறது.

மதுரைப் பொன்னுசாமிப்பிள்ளை நாயனம். பைரவி ராகம் ஆலாபரணம் பண்ணிக்கொண்டிருக்கிறார். பெருங் கூட்டம் கூடிவிட்டது. எல்லோரும் அந்த இசையின்பத்திலே தோய்ந்துதிளைக்கின்றனர்.

அந் நேரம் அந்தக் கும்பலை விலக்கி கையிலே பூமாலையை எடுத்துக்கொண்டு ஒருவர் வேகமாக உள்ளே நுழைந்தார். ஒத்து ஊதிக்கொண்டு பக்கத்தில் நின்றவருக்கு மாலையைப் போட்டார். எல்லாரும், ‘என்னங்க’ யாருக்கு மாலையைப் போட்டிங்க’ என்று கேட்க.

அவர் ‘மதுரை பொன்னுசாமிக்கு’ தான் என்றார்.
அவர்கள், ‘அவரல்ல, இவர்தான் பொன்னுசாமி’ என்று சுட்டிக்காட்டிச் சொன்னதும் –
வந்தவர். ‘இவரைவிட அவர் நல்லா வாசித்தாரே’– என்றார்.

‘எப்படி ஐயா கண்டீர்கள்’ – என வியந்து கேட்க மாலை போட்டவர்,

‘இவர் விட்டுவிட்டு ஊதுகிறார்?
‘அவர் விடாமல் ஊதுகிறாரே’
– என்று சொன்னார்.

அறுபது ஆண்டுகட்கு முன்பே –

நம்மில் சிலர் இசையைச் சுவைத்த அழகு இது

குடும்ப கதைகள் தமிழ் – Children Short stories Tamil

The post சிறுவர் கதைகள் தமிழ் – Kids Short stories Tamil appeared first on தமிழ் களஞ்சியம்.

குழந்தை வளர்ப்பு பெற்றோரின் கடமை

Rajendran Selvaraj — Tue, 05 Dec 2017 07:51:08 +0000

தமிழ் களஞ்சியம்

பெண் குழந்தை

பிறந்த குழந்தை எந்த குழந்தையாக இருந்தாலும் அதை பேணி காப்பது பெற்றோரின் கடமை. இன்றும் சில இடங்களில் ஆண் பிள்ளையை அகமகிழ்ந்து ஏற்கும் பெற்றோர்கள் பெண் பிள்ளைகளின் அருமைகளை அறியாமல் அதனை ஏற்க மனம் தடுமாறுகிறார்கள். பெற்றோரின் வயோதிகத்திலும், உடல் நிலை குன்றிய நேரத்திலும் பெண்கள் முன் வந்து பரிவுடன் கவனித்துக் கொள்வதை நாம் கண் கூடாக பார்க்கிறோம்.

அஞ்சு பெண் பெற்றால் அரசனும் ஆண்டியாவான் என்கிறார்கள், ஏன் மகன்களை பெற்றேடுத்து அரசன் ஆண்டியானவன் இல்லையா, மகனே தந்தையை சிறையில் அடைத்த சரித்திர நிகழ்வுகள் உள்ளன.

சமுதாய சூழல்

ஒரு குழந்தை பிறந்த சில நாட்களில் தந்தையையோ தாயையோ இழந்து விட்டால், அக்குழந்தையின் பிறப்பை குறை கூறுகிறார்கள். இதனால், உறவினர்களும் பிள்ளையிடம் அன்பை காட்டுவதற்கு பதிலாக வெறுப்பையே காட்டுகிறார்கள், இந்த சூழலில் வளரும் குழந்தைகள் மனநிலை மிகவும் பாதிப்படையும். அவர்களுக்கு ஒன்று புரியவில்லை உண்மையிலே இழப்பு அக்குழந்தைக்கு தான், ஒரு குழந்தையின் பிறப்பு பெற்றோரின் இறப்புக்கோ, வேறு கெடுதலுக்கோ காரணம் என்று எண்ணுவது பெரிய முட்டாள் தனம்.

பெற்றோர்கள், தான் பெற்ற பிள்ளைகளை ஆண் என்றோ, பெண் என்றோ, அறிவுடையவன் என்றும், திறமையற்றவன் என்றும் பிரித்து பார்த்தால் தவறாகும். அனைவரையும் ஒன்றாக நேசித்து சமமாக நடத்த வேண்டும். சில குடும்பங்களில் தான் பெற்ற பிள்ளைகளில் ஒரு பிள்ளையை மற்றும் உயர்த்தி பேசுவது அல்லது அதிக அன்பு கட்டி வளர்ப்பது நியாயமற்ற செயல் ஆகும். அதனை ஆண்டவன் கூட ஏற்க மாட்டார்.

இன்னும் சில இடங்களில் தனக்கு பிறக்கும் குழந்தைகளில் முதல் குழந்தையின் மேல் குடும்ப பாரத்தை சுமக்க செய்வார்கள், அவர்களை நன்றாக படிக்க வைத்தால் அவர் குடும்பத்தை பார்த்துக் கொளவர் என்று எண்ணி, மற்றவர்களின் படிப்பையும் வீணடிப்பர். முதல் குழந்தையின் மேல் குடும்ப பாரம் இருப்பதால் சமூகத்தில், தான் விருப்பப்பட்ட வாழ்க்கையை வாழ முடியாமல் அவதியுறுவார்கள்.

மறுமணம் செய்த வீட்டில்

மறுமணம் செய்த சில குடும்பங்களில் முதல் தாரத்து பிள்ளைகள் அனுபவிக்கும் வறுமை, தனிமை, துயரம் முதலிய இடையூறுகள் இவ்வுலகிலேயே கொடியது. முதல் தாரத்து குழந்தைகளுக்கு கிடைக்க இருக்கும் எல்லாவற்றையும் இரண்டாவது மணம் முடித்த ஆடவராக இருந்தாலும் சரி, பெண்டிராக இருந்தாலும் சரி அவர்கள் அட்டை பூச்சியினை போன்று உறிஞ்சி எடுத்துக் கொள்வார்கள். இதனாலே இவர்களை ‘மாற்றாந்தாய்’ மற்றும் ‘மாற்றாந்தகப்பன்’ என்று அழைக்கிறார்கள். மாற்றான் என்றல் ‘சத்துரு’ விரோதி என்று பொருள்.

சமூகத்தில் பிள்ளைகள் அவதியுறும் நிலையை எனக்கு தெரிந்த வகையில் வெளிப்படுத்தினேன். இது போன்ற சூழல்களில் வளரும் குழந்தை நிச்சயமாக ஆரோக்கியமாக வளராது, இதற்கு காரணம் குழந்தைகள் இல்லை. பெற்றோர்களும் , சுற்றத்தாரும், சமூகமுமே ஆகும்.

மேலும் காண்க

The post குழந்தை வளர்ப்பு பெற்றோரின் கடமை appeared first on தமிழ் களஞ்சியம்.