கர்ப்பகாலத்தில் தொற்று நோய் பாதிப்பில்லாம எதிர்ப்பு சக்தி அதிகரிக்கணுமா? பீட்ரூட் எடுத்துக்கங்க!


சிவப்பு நிற காய்கறிகள் ஊட்டச்சத்துகளால் நிறைந்திருப்பவை. இது கர்ப்பகாலத்தில் பெண்களின் ஆரோக்கியத்தில் நிறைய மாற்றங்களை உண்டாக்கும். மருத்துவர்களும் கர்ப்பிணிகள் காய்கறிகள் கலவையில் பீட்ரூட் சேர்க்கும்படி வலியுறுத்துகிறார்கள். பீட்ரூட் சாலட் ஆகவோ, பீட்ரூட் பொரியலாகவோ, பீட்ரூட் சாதமாகவோ எடுத்துகொள்ளலாம். இந்த பீட்ரூட் தரும் நன்மைகள் குறித்து தான் இப்போது பார்க்க போகிறோம்.

​நோய் எதிர்ப்பு சக்தி

கர்ப்பகாலத்தில் இயல்பாகவே கர்ப்பிணி பெண்ணுக்கு எதிர்ப்பு சக்தி குறைய கூடும். இந்த காலத்தில் தொற்றுநோய்கள் அதிகரிக்க கூடும். அதனால் உடலில் நோய் எதிர்ப்பு சக்தி அதிகரிக்கும் வகையில் உணவு முறையையும், வாழ்க்கை முறையையும் அமைத்துகொள்ள வேண்டும்.

கர்ப்பிணிகள் கொய்யா சாப்பிடுவதால் பயங்கரமான இந்த 8 நோய்கள் நெருங்காது தெரியுமா?

பீட்ரூட் ஆக்ஸிஜனேற்ற பண்புகள் இருப்பதால் இது நோய் எதிர்ப்பு சக்திக்கு துணைபுரியும். இது வைட்டமின் சி நிறைந்ததும் கூட. பீட்ருட்டுக்கு நிறம் தரும் சக்தி வாய்ந்த ஆக்ஸிஜனேற்றியே அதன் பலமும் கூட். பீட்ரூட் எதிர்ப்பு சக்தியை அதிகரிப்பதால் தொற்று நோய்கள் அபாயம் குறையும் என்பதால் இதை தினமும் சேர்க்கலாம்

​ரத்த சுத்திகரிப்பு

பீட்ருட் ரத்தத்தை சுத்திகரிக்க கூடியது. வயிற்றில் வளரும் கருவுக்கும் சுத்தரத்தம் காரணமாக தொற்றுநோய் அபாயம் குறைவாக இருக்கும். குழந்தைக்கு பிறப்பு குறைபாட்டை உண்டாக்காமல் பாதுகாக்கும். கர்ப்பிணி பெண்களின் உடலில் சகிப்புத்தன்மையை அதிகரிக்க செய்கிறது. இது பிரசவத்துக்கு உதவியாக இருக்கும்.

பீட்ரூட்டில் கரையக்கூடிய நார்ச்சத்து, கார்போஹைட்ரேட்டுகள், வைட்டமின் ஏ, மற்றும் பி, புரதங்கள் நிறைந்திருக்கிறது. பீட்ரூட் சாறு கர்ப்பகாலத்தில் உயர் ரத்த அழுத்தம் உண்டாக்காமல் சீரான நிலையில் வைத்திருக்கும்.

​ஃபோலிக் அமிலம்

கருவளர்ச்சி காலத்தில் அவசியம் தேவையான சத்து ஃபோலிக் அமிலம். இவை தான் கருவளர்ச்சிக்கு உதவுகிறது. பீட்ருட் நிறைவான ஃபோலிக் அமிலத்தை கொண்டிருப்பதால் இது கருவின் வளர்ச்சிக்கு உதவியாக இருக்கும். கர்ப்பிணிக்கு ரத்த சிவப்பணுக்கள் அதிகரிக்க உதவும். கருவுறுவான முதல் மூன்று மாதங்கள் நிறைவாக ஃபோலிக் அமிலம் இருந்தால் குழந்தையின் முதுகெலும்பு வளர்ச்சியும் ஆரோக்கியமாக இருக்கும்.

​இரும்புச்சத்து

பீட்ரூட்டில் இரும்புச்சத்து நிறைவாக உண்டு. ரத்தத்தில் உள்ள ஹீமோகுளோபின் எண்ணிக்கையை அதிகரிக்க செய்யும். இதனால் கர்ப்பகால ரத்தசோகையை குறைக்க செய்யும். கர்ப்பிணிக்கு இரும்புச்சத்து அவசியம். ரத்தத்தில் ஹீமோகுளோபின் குறைந்தால் அது ரத்த சோகையை உண்டாக்க கூடும்.

ஆரோக்கியமான குழந்தையைப் பெற என்னென்ன பழங்கள் சாப்பிட வேண்டும் தெரியுமா?

ஹீமோகுளோபின் குறைந்தால் அது ரத்தசோகையை உண்டாக்கிவிடக்கூடும். அதனால் கர்ப்பகாலத்தில் இரும்புச்சத்து அதிகரிக்க அவசியம் உணவில் பீட்ரூட் சேர்க்க வேண்டும். இது இரும்புச்சத்து குறைபாட்டை எதிர்த்து போராட உதவுகிறது. பீட்ரூட்டில் வைட்டமின் சி இருப்பதால் இது இரும்பு உறிஞ்சுதலுக்கு உதவுகிறது.

​கல்லீரல் ஆரோக்கியம்

பீட்ரூட்டில் பீட்டாசியனின் என்னும் நிறமி இருப்பதால் இது கல்லீரலை சுத்தம் செய்யும். ரத்தத்தில் இருக்கும் நச்சுத்தன்மையை நீக்கும். உடல் நச்சுகளை அகற்றினாலே கர்ப்பிணி சோர்வில்லாமல் ஆற்றல் கொண்டிருக்கலாம். உடலில் கொழுப்பு அமிலங்கள் தேங்குவதை குறைப்பதால் கல்லீரல் என்பது செரிமான அமைப்பின் செயல்பாட்டை மேம்படுத்துகிறது. மேலும் கர்ப்பிணிகள் உடல் எடை அதிகமாக கூடிய கர்ப்பகாலத்தில் இது கர்ப்பிணியின் உடல் எடையை கட்டுக்கு வைக்கிறது.

​வைட்டமின் சி

கர்ப்பகாலத்தில் நோய் எதிர்ப்பு சக்தியை அதிகரிக்கும் சத்துகளில் வைட்டமின் சி ஒன்று. பீட்ரூட்டில் இருக்கும் இரும்பை உடல் உறிஞ்சுவதற்கு வைட்டமின் சி சத்து தேவை. கர்ப்பகாலம் முழுவதுமே எதிர்ப்பு சக்தி தேவை. இது நிறைவாக இருந்தால் பிரசவக்காலத்தில் வலிமையான குழந்தை நிச்சயம். வைட்டமின் சி பீட்ரூட்டிலும் இருப்பதால் நிறைவாகவே இதை எடுத்துகொள்ளலாம்.

​எலும்பு ஆரோக்கியம்

பீட்ரூட்டில் இருக்கும் கால்சியம் மற்றும் சிலிக்கா சத்து தாயின் எலும்பு ஆரோக்கியத்தை பராமரிக்க உதவும். வைட்டமின் சி போன்று பீட்ரூட் சிலிக்கா மற்றும் கால்சியம் நிறைந்த மூலம் ஆகும். பீட்ரூட்டில் பீட்டாலைனின் உள்ளது. இது சக்திவாய்ந்த அழற்சி எதிர்ப்பு பண்புகளை கொண்டிருக்கிறது.

கர்ப்பகாலத்தில் பீட்ரூட் எடுத்துகொள்வதால் எலும்பின் ஆரோக்கியத்தை மேம்படுத்துகிறது. கர்ப்பகாலத்தில் மூட்டு வலி, மூட்டுகளில் வீக்கம், எலும்பு நோய் குறிப்பாக ஆஸ்டியோபொராசிஸ் அபாயத்தை குறைக்க செய்யும்.

​பீட்ரூட் எப்படி எடுத்துகொள்ளலாம்

பீட்ரூட் சாறாக்கி இனிப்பு சேர்க்காமல் குடிக்கலாம். பீட்ரூட்டை வேக வைத்து அரை வேக்காடக்கி சாலட் போன்று சாப்பிடலாம். பொரியலாக செய்து சாதத்தில் பிசைந்து சாப்பிடலாம். பீட்ரூட்டை துருவி ஸ்டஃப்டு சப்பாத்தியை செய்யலாம். பீட்ரூட் சட்னி செய்து சாப்பிடலாம். பீட்ரூட் சாறு இனிப்பாக இருந்தால் மிளகுத்தூள் சேர்க்கலாம்.

​அளவாக எடுத்துகொள்ளவும்

பீட்ரூட் அளவாக எடுத்துகொண்டால் அவை உடல் ஆரோக்கியத்துக்கு எந்த பிரச்சனையும் ஏற்படுத்தாது. அதிக அளவு பீட்ருட் எடுத்துகொண்டால் அது கர்ப்பிணி பெண்ணுக்கு குமட்டல், வாந்தி, வயிற்றுப்போக்கு, இரப்பை, குடல் பிரச்சனைகள் உண்டாக்கும்.

கர்ப்பிணிகள் 7 ஆம் மாதம் முதல் சுக்கு நீர் குடித்துவந்தால் பிரசவம் சுகமாகும், சிக்கலில்லாமலும் இருக்கும்!

பீட்ரூட் அதிகமாக எடுத்துகொண்டல் சிறுநீரக கற்களை உண்டாக்கவும் வாய்ப்புண்டு. அதிகப்படியாக இதில் இருக்கும் நைட்ரேட் அதிகமாகும் போது அது சோர்வை உண்டாக்கும். சிறுநீர் கழிக்கும் போதும் மலம் கழிக்கும் போதும் சிவப்பு நிறத்தை உண்டாக்கும்.



Source link

RTI மூலம் கணவரின் சம்பளத்தை மனைவி தெரிந்துகொள்ள முடியுமா... எப்படி?
`பாட்டியுடன் வாழப் பழகிக்கலாம்!' - சென்னை பி.ஜி வாழ்க்கை தந்த அனுபவங்கள்! #MyVikatan