ஆஸ்திரேலியாவில் வரலாற்றுச் சாதனை படைக்கப் போகும் கோலி: எப்படித் தெரியுமா?


இந்திய அணி கேப்டான விராட் கோலி பொறுப்பேற்ற பின்பு, 2018-19ஆம் ஆண்டில் ஆஸ்திரேலிய சுற்றுப் பயணம் மேற்கொண்டு 2-1 என டெஸ்ட் தொடரை கைப்பற்றி, 71 ஆண்டுகளில் வேறு எந்த இந்திய கேப்டனும் செய்யாத சாதனையை நிகழ்த்தினார். தற்போது, மேலும் வரு வரலாற்றுச் சாதனையை நிகழ்த்தக் கோலிக்கு வாய்ப்பு கிடைத்துள்ளது. இவர், எதிர்வரும் தொடரில் ஒரேயொரு சதத்தைப் பூர்த்தி செய்தால், ஆஸ்திரேலிய அணிக்கு எதிராக அதிக சதங்களைக் குவித்த வீரராகத் திகழ்வார். தற்போது வரை ஆஸ்திரேலிய மண்ணில் 9 சதங்களை (டெஸ்ட்டில் மட்டும்) அடித்து இங்கிலாந்து நாட்டின் ஜாக் ஹோப்ஸ் முதலிடத்தில் உள்ளார். விராட் கோலியும் டெஸ்ட் போட்டிகளில் ஆறு சதம், ஒருநாள் போட்டிகளில் மூன்று சதங்களுடன் இவரின் சாதனையைச் சமன் செய்துள்ளார்.

எதிர்வரும் தொடரில் ஒரேயொரு சதத்தை பூர்த்தி செய்தாலே ஜாக் ஹோப்ஸ் இரண்டாவது இடத்திற்குத் தள்ளப்படுவார். விராட் கோலி, தனது மனைவியின் பிரசவ காலத்தைக் காரணம் காட்டி முதல் டெஸ்ட் போட்டியுடன் நாடு திரும்புகிறார். அடிலைட்டில் நடக்கும் இப்போட்டி பகலிரவு ஆட்டமாக நடைபெறவுள்ளது. இதில் அவர் சதம் அடித்தால், ஆஸ்திரேலிய மண்ணில் ஐந்து டெஸ்ட் சதங்கள் எடுத்திருக்கும் சச்சினின் சாதனையைத் தகர்த்து ஆறு சதங்கள் அடித்த ஒரே இந்திய வீரராக விராட் கோலி திகழ்வார்.

மற்ற மூன்று டெஸ்ட் போட்டிகளில் கோலிக்குப் பதிலாக ரோஹித் ஷர்மா களமிறங்க உள்ளார் என்பது குறிப்பிடத்தக்கது. 2011-12ஆம் ஆண்டு முதலே ஆஸ்திரேலியா சுற்றுப் பயணத்தில் விராட் கோலி இடம்பிடித்துள்ளார். அப்போது, பெர்த்தில் நடைபெற்ற போட்டியில் 66 ரன்களும், அடிலைட்டில் 116 ரன்களும் விளாசினார். ஆனால், 0-4 என இந்திய அணி ஒயிட்வாஷ் ஆனது.

இந்தியாவுக்கு ஆப்பு வைத்த விராட் கோலி: ரிக்கி பாண்டிங் கருத்து!

2014-15ஆம் ஆண்டு சுற்றுப் பயணத்தின்போதும் விராட் கோலி குறிப்பிடத்தகுந்த தாக்கத்தை ஏற்படுத்தினார். நான்கு போட்டிகள் கொண்ட டெஸ்ட் தொடரில் ரன் மழை பொழிந்து குவித்து ஆஸ்திரேலிய அணியை மிரட்டினார். ஆனாலும், 0-2 என மறுபடியும் இந்திய அணி ஒயிட்வாஷ் ஆனது. 2018-19ஆம் ஆண்டில் இந்திய அணிக்குத் தலைமை ஏற்று ஆஸ்திரேலியாவுக்கு புறப்பட்டார்.

இந்தமுறை, 2-1 என டெஸ்ட் தொடரை கைப்பற்றி, 71 ஆண்டுகளுக்குப் பிறகு ஆஸ்திரேலிய மண்ணில் இந்திய அணி சாதனை படைத்தது. இதனால், 2020-21ஆம் ஆண்டு ஆஸ்திரேலிய சுற்றுப் பயணத்திலும் விராட் கோலி மீது அதிக எதிர்பார்ப்பு ஏற்பட்டுள்ளது.



Source link

டி20யின் செம சொத்து
'ஐபிஎல் தொடரில் டீகாக், ரோஹித் சர்மாவையே திணறவிட்டேன்; ஆஸி வீரர்களை ஒரு கை பார்க்கலாம்': முகமது ஷமி உற்சாகம்